Դիվանագիտական վրձինով նկարվել է Անկարայի ագրեսիան. Գանտահարյանը՝ ԱԳ նախարարի հայտարարության մասին

Լիբանանի «Ազդակ» թերթի գլխավոր խմբագիր Շահան Գանտահարյանն անդրադարձել է Եգիպտոսում ՀՀ արտաքին գործերի նախարար Զոհրաբ Մնացականյանի հայտարարություններին: «Արմենպրես»-ի հետ զրույցում Շահան Գանտահարյանն ընդգծեց, որ Հայաստանի Հանրապետության արտգործնախարարի արած հայտարարությունները Եգիպտոսում շատ հանգիստ տեղավորվում է տարածշրջանային հրատապ գործընթացների ընդհանուր պարունակում։ Նկատի է առնվել քաղաքական ընդհանուր ենթահողը, Կահիրե-Անկարա լարված հարաբերությունները, Արեւելյան Միջերկրականում երկու երկրների հակոտնյա դիրքորոշումները։  

«Դիվանագիտական վրձինով  նկարվել է Անկարայի ագրեսորության բոլոր ուղղությունները՝ Արեւելայն միջերկրածովից մինչեւ Հյուսիսային Աֆրիկա եւ Միջին Արեւելքից մինչեւ հարավային Կովկաս։ Ահա աշխահագրական այս վերջին տեղամասի նշումն է, որ Տավուշյան գործողություններին Անկարայի աշխույժ ներգրավվածությունն է ընդգծում՝ աղերսելով թուրքական բազմաուղղություն ագրեսորությանը։ Առիթն ու պահը լիարժեք ծառայել են արծարծելու  տավուշյան գործողություններին Անկարայի ներգրավվածության տարողությունը եւ ընդգծելու, որ ինչպես Միջին Արեւելքում, այնպես էլ Հարավային Կովկասում Թուրքիան շարունակում է սպառնալ խաղաղության ամրակայման գործընթացներին»,- ասաց Գանտահարյանը:

https://armenpress.am/arm/news/1027719.html?fbclid=IwAR0IpzC29uY-OzgHwCDIH6l4vhJIOFbRdnwL1BUrPJCk6d2PGC_xZ8ZeFT4 

 

Leave a Reply

Your email address will not be published. Required fields are marked *