Le Figaro. Եթե Արցախի հաշվին Թուրքիան միավորվի Ադրբեջանի հետ, ապա Անկարան կսպառնա նաև Եվրոպային

Ֆրանսիական ամենահեղինակավոր թերթերից մեկը` Le Figaro-ն անդրադարձել է հուլիսին հայ-ադրբեջանական ռազմական բուխումներին: Հոդվածում ներկայացվում է Ղարաբաղյան հակամարտության պատմությունը,  հակամարտության կարգավորման ներկայիս փուլը և հատուկ ընդգծում է, որ եթե իրավիճակը Հարավային Կովկասում դուրս գա վերահոսկողությունից, ապա հավանական հակամարտության մեջ  կարող են ներքաշվել անգամ Թուրքիան և Ռուսաստանը:

Հոդվածում հատուկ անդրադարձ կա Թուրքիայի դերին հակամարտության հնարավոր սրման գործընթացում: «Թուրքիան միշտ թշնամական դիրքորոշում է ունեցել Հայաստանի նկատմամբ այն հրաժարվում է ընդունել 1915 թ. Օսմանյան կայսրությունում հայերի նկատմամբ գործած Ցեղասպանությունը, իսկ այսօր էլ  Թուրքիան շարունակում է ակտիվորեն կապեր պահպանել Ադրբեջանի հետ, որն իրեն մոտ է թե կրոնական,  թե մշակութային առումներով: Սրա հետ մեկտեղ ակնհայտ է, որ անկախ ամեն ինչից՝ Թուրքիան ունի իր նկրտումներն ու շահերն այս տարածաշրջանում, և այդ շահերը արմատներով  գալիս են դեռ Օսմանական կայսրության անցյալից, իսկ այսօր Թուրքիայի նախագահ Ռեջեփ Թայիփ Էրդողանը փորձում է կյանքի կոչել հին օսմանական ծրագրերը»:

Le Figaro-ն  մեջբերում է Nouvelles d’Arménie ամսագրի  խմբագիր Արա Տորանյանի խոսքերն, ով ընդգծում է, որ վերջին հայ–ադրբեջանական  բախումներն ունեն ենթատեքստ, և այն վերաբերում է թուրքական ագրեսիայի ավելացմանը և Էրդողանի կայսերապաշտական նկրտումներին:

Հոդվածում ըդգծվում է, որ այսօր Թուրքիայի և Ադրբեջանի միջև ընկած է հայկական 20 կմ-անոց տարածք և, եթե Թուրքիային հաջողվի ֆիզիկապես ցամաքային կապ հաստատել Ադրբեջանի հետ ի հաշիվ հայկական տարածքների, ապա ակնհայտ է, որ տարածաշրջանում կստեղծվի մի «հրեշ» որն արդեն կսպառնա նաև Եվրոպային:

Հոդվածում նաև ընդգծվում է, որ  վերջին ռազմական սրացումը պայմանավորված է նաև նրանով, որ Ադրբեջանի ներսում կան լուրջ խնդիրներ՝  կորոնավիրուսի հետևանքով տնտեսական դժվարություններ և կրկին կորոնավիրուսով պայմանավորված նավթի միջազգային գների անկում, իսկ նման պայմաններում Ադրբեջանի իշխանությունը պետք է ինչ-որ քայլեր ձեռնարկեր սեփական լեգիտիմությունը պահելու համար:

https://zham.am/?p=76213&l=am 

Leave a Reply

Your email address will not be published. Required fields are marked *