Թուրքիան շարունակում է Իդլիբի գրավումը. Էրդողանը չի հրաժարվում «Մեծ Թուրքիա» ծրագրից

Թուրքիան շարունակում է աճեցնել իր ռազմական ներկայությունը սիրիական Իդլիբում: 

Ինչպես հաղորդում է «Русская Весна»-ն, վերջին վեց ամիսներին թուրքական խմբավորումն ավելացել է ավելի քան երկու անգամ: Թուրք զինծառայողների թիվն ավելացել է 4 անգամ, իսկ զրահատեխնիկայինը՝ 300 միավորով:

Մի քանի անգամ ավելացել է նաև թուրքական հենակետերի քանակը: Թուրքական 27 դիրքերից ներկայում 11-ը, որտեղ տեղակայված են տանկեր և զրահատեխնիկա, գտնվում են «անվտանգության միջանցքի» սահմանագոտուց հարավ:

Անկարան օգտագործում է իր դիտակետերը սիրիական բանակը զսպելու համար, որը կարող էր նահանգի վրա գրոհ սկսել՝ ի պատասխան Թուրքիային ենթակա ռազմական խմբավորումների չդադարող կրակի:

Դրա հետ մեկտեղ հրոսակախմբերի քանակն ավելացել է ավելի քան 50 տոկոսով՝ հասնելով 18 հազարի: Բացի այդ, թուրք զինվորականների կողմից նրանց տրամադրվող զենքն ու ռազմական տեխնիկան զգալիորեն բարձրացրել է նրանց մարտունակությունը:

Այսպիսով, կարելի է եզրակացնել, որ տարածաշրջանում Թուրքիայի ներկայության ընթացքում իրավիճակը ռազմական հակամարտության շուրջ բազմակի վատացել է և սրվելու միտում ունի: 

Հիշեցնենք՝ Թուրքիայի նախագահ Ռեջեփ Թայիփ Էրդողանի գաղափարախոս, Թուրքիայի իշխող Արդարություն և զարգացում կուսակցության պատգամավոր Մեթին Քյուլունքը «Մեծ Թուրքիա» ստեղծելու կոչ է արել:

https://zham.am/?p=75699&l=am 

Leave a Reply

Your email address will not be published. Required fields are marked *