ԵՄ-ն կոչ է արել Թուրքիային իսկույն վերջ տալ լարվածությանը Միջերկրական ծովում

Եվրոպական հանձնաժողովը կոչ է արել պաշտոնական Անկարային զերծ մնալ լարվածությունը խորացնելուց և նստել երկխոսության։

Արտահայտելով իր մտահոգությունը Թուրքիայի կատարած քայլերի կապակցությամբ՝ ԵՄ-ն հայտարարել է, որ իր սպասելիքների համաձայն՝ այս լարվածությունը պետք է հանգուցալուծում ստանա միայն խաղաղ ճանապարհով։

Եթե երկխոսությունը արդյունք չտա, ապա ըստ Եվրահանձնաժողովի խոսնակի՝ Թուրքիան պետք է պատրաստ լինի ԵՄ պատժամիջոցներին։

ԵՄ 27 երկրների արտաքին գործերի նախարարներ օրերս հանդիպել էին ՆԱՏՕ-ի անդամ հանդիսացող Թուրքիայի, Հունաստանի և Կիպրոսի միջև ստեղծված լարված իրավիճակից ելքեր գտնելու նպատակով։

ԵՄ բարձրաստիճան դիվանագետներից մեկն էլ, ում անունը չի հրապարակվել, նշել է, որ եթե Անկարան ամուր և լուրջ երկխոսություն սկսի, ԵՄ-ն պատրաստ է քննարկել նոր մաքսային միություն ստեղծելու հարցը և Թուրքիային ավելի շատ գումար հատկացնել փախստականների հետ կապված ծրագրերի շրջանակներում։

Ermenihaber.am 

Leave a Reply

Your email address will not be published. Required fields are marked *