Դինքին սպանած թուրք ազգայնականը ևս 4 տարի կանցկացնի բանտում

Ամիսներ առաջ մամուլում տարածված տեղեկության համաձայն, 2007 թվականի հունվարի 19-ին պոլսահայ մտավորական, «Ակօս» պարբերականի հիմնադիր խմբագրապետ Հրանտ Դինքին սպանած թուրք ազգայնական Օգյուն Սամասթը մոտ օրերս պետք է դուրս գար բանտից: «Ակօս»-ի փոխանցմամբ, Սամասթը ևս 4 տարի կանցկացնի բանտում` կալանավայրի պահակների վրա հարձակվելու, նրանց սպառնալու և վիրավորելու համար:

Դինքին սպանելու համար 13 տարի 5 ամիս ազատազրկման դատապարտված Սամասթի պատժաժամկետի ավարտին ավելի քան մեկ տարի էր մնացել, սակայն նա կարող էր պայմանական վաղաժամկետ ազատ արձակվել արդեն այս ամիս: Չնայած նրա պատժաժամկետը հնարավոր է երկարաձվեր` Դինքի գործով անցած տարի նրան առաջադրված մեկ այլ՝ «հանցավոր խմբավորմանը անդամակցելու» մեղադրանքով:

Այս մասով դատարանը դեռ որոշում չի կայացրել:

https://www.azatutyun.am/a/30815181.html 

Leave a Reply

Your email address will not be published. Required fields are marked *