Լոյս տեսաւ Հայաստանի Ա. Հանրապետութեան հարիւրամեակին նուիրուած ուսումնասիրութիւններուն յատկացուած հատորը

ՖՐԵԶՆՕ.- Հայագիտական ուսմանց ընկերակցութեան եւ Լիզպոնի «Գալուստ Կիւլպէնկեան» հիմնարկութեան Հայկական համայնքներու բաժանմունքին համագործակցութեամբ՝ լոյս տեսաւ Հայաստանի Ա. Հանրապետութեան հարիւրամեակին նուիրուած եւ Թեքսասի մէջ 2018ին տեղի ունեցած՝ «Նորարար մօտեցումներ Հայաստանի Ա. Հանրապետութեան պատմութեան (1918-1920)» միջազգային գիտաժողովին ներկայացուած ուսումնասիրութիւններուն հատորը։

Քալիֆորնիոյ նահանգային համալսարանի Ֆրեզնոյի մասնաճիւղի հրատարկչատունէն լոյս տեսած՝ «The First Republic of Armenia (1918-1920) on its Centenary: Politics, Gender, and Diplomacy» հատորին խմբագիրն է՝ Հայագիտական ուսմանց ընկերակցութեան վարչութեան ատենապետ Պետրոս Տէր Մաթոսեան, իսկ անոր նախաբանը գրած է Հայաստանի Ա. Հանրապետութեան նուիրուած քառահատոր աշխատասիրութեան հեղինակ Ռիչըրտ Յովհաննէսեան, որուն նուիրուած է 256 էջնոց այս հատորը։

20 տոլար արժող հատորէն օրինակ մը գնելու համար այցելել www.prelacybooks.com եւ www.abrilbooks.com կայքերը կամ https://naasr.org/products/first-republic-of-armenia-1918-1920-on-its-centenary-politics-gender-and-diplomacy?_pos=1&_sid=bd003a33a&_ss=r կայքէջը։

Մեծաքանակ ապսպրանքներու համար դիմել Քալիֆորնիոյ նահանգային համալսարանի Ֆրեզնոյի մասնաճիւղին մէջ գործող Հայագիտական ծրագիրին՝ (559) 278-2669 թիւով կամ  barlowd@csufresno.edu հասցէով։

Հայագիտական ուսմանց ընկերակցութեան մասին յաւելեալ տեղեկութիւններու համար այցելել societyforarmenianstudies.com կայքը:

Asbarez.com 

Leave a Reply

Your email address will not be published. Required fields are marked *