Մի քանի օր առաջ Թուրքիայի նախագահ Ռեջեփ Թայիփ Էրդողանի հրամանով թանգարանից մզկիթի վերածված Խորի Սուրբ Ամենափրկիչ (Քարիյե) բյուզանդական եկեղեցու մասին պատմող վավերագրական ֆիլմը հանվել է Թուրքիայի պետական TRT հեռուստաալիքի եթերից։

Այդ մասին, Akunq.net-ի փոխանցմամբ, հաղորդում են թուրքական լրատվամիջոցները։

Նպատակն ակնհայտ է՝ մոռացության մատնել Կոստանդնուպոլսի բյուզանդական և քրիստոնյա անցյալը, քանի որ ֆիլմում ներկայացվում էին Սուրբ Ամենափրկիչ եկեղեցու պատմությունը և քրիստոնեական որմնանկարներն ու ճարտարապետությունը։

Այսպիսով՝ Թուրքիայի ներկայիս իշխանությունները լծված են ոչ միայն երկիրը ամբողջովին թուրքացնելու և իսլամացնելու գործին, այլ նաև՝ ձգտում են լիովին ջնջել այս տարածքների քրիստոնյա մշակույթի մասին հիշեցնող յուրաքանչյուր հետք։

Մելինե Անումյան

Akunq.net