Արարատ լեռան վրա ձյուն է տեղացել

Հայկական լեռնաշխարհի ամենաբարձր գագաթի՝ Արարատ լեռան վրա ձյուն է տեղացել։ Թուրքական «Անադոլու» պետական լրատվական գործակալության փոխանցմամբ՝ օրերով շարունված տեղումների հետևանքով Արարատի գագաթը ծածկվել է ձյան ճերմակ շերտով։

Այս մասին հաղորդում է Akunq.net-ը։

Աղբյուրի համաձայն՝ Իգդիրում գործող Լուսանկարների, շրջագայության, մշակույթի և բնության ակումբի նախագահ Մուհամեդ Աքքուշը «Անադոլու» գործակալության թղթակցի հետ զրույցում նշել է, որ Արարատ լեռան վրա տեղացած ձյունը ձմռան գալուստն է ավետում․

«Արարատ լեռան վրա տեղացած ձյունն ընկալում ենք որպես ձմռան ավետում և առաջին քայլի նշան դեպի ձմեռ։ Գիշերը ձյուն տեղաց՝ մեզ ուղերձ հղելով, թե պատրաստվեք, ձմեռը մոտենում է»։ Առաջինը հենց այս լեռան գագաթին է ձյուն տեղում, ձմռան առաջին ավետումը այստեղից է ստացվում»։

Լուսանկարները և հրապարակումը՝ Հյուսեին Յըլդըզի / «Անադոլու» գործակալություն

https://www.aa.com.tr/tr/turkiye/turkiyenin-catisina-mevsimin-ilk-kari-yagdi/1951227?fbclid=IwAR0mE7gbAvkhtQBSLzRDx3ZJlKfAn93ZGquvuajE9sk09ZDSLw8QPIlaiEI

Թարգմանեց Մելինե Անումյանը

Akunq.net 

Leave a Reply

Your email address will not be published. Required fields are marked *