Վանում “լողացող հյուրանոց” կկառուցվի․ 2 միլիոն թուրքական լիրա արժեցող նախագիծը հաստատվել է

Վանի Արտամեդի (թուրք անվանումը՝ Էդրեմիթ) քաղաքապետարանի ներկայացրած «Լողացող հյուրանոցի» նախագիծը հաստատվել է Թուրքիայի արդյունաբերության և տեխնոլոգիայի նախարարության կողմից։ 2 միլիոն թուրքական լիրա արժեցող սույն նախագծի համաձայն՝ նավի վրա մի եռահարկ հյուրանոց կկառուցվի։

Այդ մասին, ըստ Akunq.net-ի, հայտնում է թուրքական «Դենիզ Հաբեր» լրատվական կայքը։

Աղբյուրի համաձայն՝ «Արևելաանատոլիական զարգացման» գործակալության՝ Վան և Թուրքիայի ևս 3 նահանգների վերաբերյալ ներկայացրած 7 նախագծեր հաստատվել են վերոհիշյալ նախարարության կողմից։

Նախատեսվում է, որ նավի վրա կառուցվելիք այդ եռահարկ «Լողացող հյուրանոցում» սենյակների հետ մեկտեղ կգտնվեն նաև ռեստորան, սրճարան և սրահներ։ Արտամեդի քաղաքապետ Իսմաիլ Սայը հույս է հայտնել, որ այդ նախագծի շնորհիվ տվյալ շրջանում զարկ կտրվի զբոսաշրջության զարգացմանը։

https://www.denizhaber.net/van-golune-yuzen-otel-projesine-2-milyon-liralik-destek-onaylandi-haber-96686.htm

Թարգմանեց Մելինե Անումյանը

Akunq.net

 

Leave a Reply

Your email address will not be published. Required fields are marked *