«Ինչպիսի ամոթ մեր երկրի համար». Փայլանը՝ Սբ․ Սոֆիայի տաճարը մզկիթի վերածելուց հետո ևս մի բյուզանդական եկեղեցի մզկիթի վերածելու Թուրքիայի կառավարության որոշման մասին (լուսանկարներ)

Թուրքիայի խորհրդարանի հայազգի պատգամավոր, քրդամետ` Ժողովուրդների դեմոկրատական կուսակցության անդամ Կարո Փայլանը ֆեյսբուքյան իր էջում անդրադարձել է Ստամբուլի Սբ․ Սոֆիայի տաճարը մզկիթի վերածելուց հետո նաև Քարիյե անունով հայտնի և 1945-ից թանգարանի կարգավիճակ ունեցող Խորի Սուրբ Ամենափրկիչ եկեղեցին մզկիթի վերածելու Թուրքիայի կառավարության որոշմանը:

«Ինչո՞ւ այս ձգտումը չի ավարտվում, երբ ամենուր այսքան շատ մզկիթներ կան… Ինչպիսի ամոթ մեր երկրի համար…»,- գրել է Կարո Փայլանը:

Ինչպես ավելի վաղ հաղորդել էր Tert.am-ը, Թուրքիայի կառավարությունը Սբ․ Սոֆիայի տաճարը մզկիթի վերածելուց հետո որոշել է մզկիթի վերածել նաև Քարիյե անունով հայտնի և 1945-ից թանգարանի կարգավիճակ ունեցող Խորի Սուրբ Ամենափրկիչ եկեղեցին։

Հաղորդվում է, որ Թուրքիայի բարձրագույն վարչական դատարանը՝ Պետական խորհուրդը, որոշել է այն մզկիթի վերածել 2019 թվականին՝ համարելով, որ 1945 թվականի նախարարության որոշումը, որը հանգեցրել է շենքի՝ թանգարանի վերածմանը, անօրինական է: Պետական խորհրդի որոշումը չի կատարվել մինչ երեկ, երբ հրապարակվել է նախագահի հրամանագիրը:

Թուրքիայի կրոնական գործերի վարչությունը «ՌԻԱ Նովոստիին» հաստատել է, որ Ստամբուլի Խորի Սբ․ Ամենափրկիչը կօգտագործվի մահմեդական աղոթքների համար:

Խորի Սբ․ Ամենափրկիչը կառուցվել է 6-րդ դարում՝ մ.թ. 534 թվականին։ 1945 թվականին Թուրքիայի Հանրապետության կառավարության որոշմամբ Քարիյե մզկիթը վերանորոգումից հետո բացվել էր որպես թանգարան։

Հիշեցնենք, որ 2020 թվականի հուլիսին մզկիթի է վերածվել Ստամբուլի աշխարհահռչակ Սուրբ Սոֆիայի տաճարը, որն ընդգրկված է ՅՈՒՆԵՍԿՕ-ի համաշխարհային ժառանգության ցանկում։

 

Image may contain: indoor

Image may contain: indoor

Музей Карие (Монастырь Хора) в Стамбуле: фото, видео, часы работы ...

https://www.tert.am/am/news/2020/08/22/garo/3376300 

Leave a Reply

Your email address will not be published. Required fields are marked *