Թուրքիան հայտարարել է, որ Հայաստանի տեսակետը չափն անցնելու և անպատասխանատվության օրինակ է

Թուրքիայի ԱԳՆ մամուլի խոսնակ Համի Աքսոյը հայտարարել է, որ  Սևրի դաշնագրի վերաբերյալ Հայաստանի հայտարարությունից հետո այս անգամ արդեն Արևելյան Միջերկրականի վերաբերյալ կարծիք հայտնելը «չափն անցնելու և անպատասխանատվության օրինակ» է. հայտնում է Euronews-ի թուրքական ծառայությունը։

Հիշեցնենք, որ օրեր առաջ Հայաստանի ԱԳՆ-ն հայտարարություն էր տարածել, որում դատապարտում էր Թուրքիայի ապօրինի և սադրիչ գործողությունները Միջերկրականի արևելյան ջրերում և իր զորակցությունն էր հայտնել Հունաստանին և Կիպրոսին։

Թուրք գործիչը հայտարարել է, որ Հայաստանը շփոթում է աշխարհագրությունը, և այստեղ խոսքը գնում է Միջերկրական ծովի  և ոչ թե Սևանա լճի մասին։

«ԱՄԷ-ից և Ֆրանսիայից հետո դեպի ծով որևէ ելք չունեցող Հայաստանի՝ տարածաշրջանում խոսքի իրավունք ունենալ կարծելը, ցույց է տալիս Թուրքիայի դեմ ստեղծվող ստոր դաշինքի չափերը։ Ինչ էլ լինի, Թուրքիան կպաշտպանի իր և թուրք կիպրոսցիների իրավունքները Միջերկրական ծովի արևելքում, որոնք բխում են միջազգային իրավունքի տեսանկյունից: Ոչ մի չարի դաշինք չի կարող խոչընդոտել դրան: Նրանք, ովքեր հակառակն են պնդում, ոչինչ չեն սովորել պատմությունից», – նշել է Աքսոյը՝ դարձյալ ընդգծելով «Ադրբեջանի կողքին մշտապես կանգնած լինելը»։

https://www.yerkir.am/news/view/210716.html 

Leave a Reply

Your email address will not be published. Required fields are marked *