Թուրքիան կաջակցի Բաքվին՝ ղարաբաղյան խնդրի կարգավորման ցանկացած տարբերակի դեպքում. Չավուշօղլու

Թուրքիան կաջակցի Ադրբեջանին՝ ղարաբաղյան (արցախյան-Ակունքի խմբ․) խնդրի կարգավորման ցանկացած տարբերակի դեպքում, հայտարարել է արտգործնախարար Մևլութ Չավուշօղլուն՝ Ադրբեջանի նորանշանակ արտգործնախարար Ջեյհուն Բայրամովի հետ հանդիպման ժամանակ։

«Հայաստանը խուսափում է հակամարտության կարգավորումից և սրում է իրավիճակը՝ խաղաղ բանակցություններին խոչընդոտելու համար», – հայտարարել է Չավուշօղլուն։

Բայրամովն իր հերթին շնորհակալություն է հայտնել Թուրքիային՝ այս հարցում ցուցաբերած աջակցության համար։

Ադրբեջանի արտգործնախարարն է ժամանել Անկարա, սա նրա առաջին պաշտոնական այցն է՝ անցած ամիս արտգործնախարարի պաշտոնը ստանձնելուց հետո։ Ջեյհուն Բայրամովից բացի Անկարա է ժամանել նաև Ադրբեջանի պաշտպանության նախարարը։ Ըստ պաշտոնական հաղորդագրության, Զաքիր Հասանովը հանդիպել է թուրք գործընկերոջ, ինչպես նաև Թուրքիայի նախագահ Ռեջեփ Էրդողանի հետ։

Ավելի վաղ պաշտոնական Երևանը քննադատել էր Թուրքիային՝ հակամարտությունը սրելու համար, Մինսկի խմբի միջնորդ Ռուսաստանն էլ հորդորել էր զերծ մնալ քայլերից ու հայտարարություններից, որոնք կարող են էլ ավելի թեժացնել իրավիճակը։

Azatutyun.am 

Leave a Reply

Your email address will not be published. Required fields are marked *