Դարձյալ մզկիթի վերածված Ստամբուլի Սբ. Սոֆիա տաճարում մուեզին Օսման Ասլանը մահացել է սրտամկանի ինֆարկտից, հայտնում են հունական լրատվամիջոցները:

Մուեզինը (մուսուլմանական աղոթքի կանչողը) մահացել է կիրակի՝ օգոստոսի 2-ին, բայց նրա մահը հայտնի է դարձել չորեքշաբթի օրը, գրում է Оrthodox Times-ը:

Ստամբուլի նահանգապետարանը հաստատել է, որ մուեզինը մահացել է մզկիթում:

«Մենք ցավակցում ենք սրտի կաթվածից մահացած Քյաղըթհանե շրջանի Ուհուդ մզկիթի մուեզին Օսման Ասլանի ընտանիքի անդամներին և հարազատներին», – նշվում է նահանգապետարանի հայտարարության մեջ։

Հիշեցնենք, որ հուլիսի 10-ին Թուրքիայի Պետական խորհուրդը չեղյալ էր հայտարարել 1934 թ.՝ Սբ. Սոֆիան թանգարանի վերափոխելու որոշումը, իսկ Թուրքիայի նախագահ Թայիփ Էրդողանը ստորագրեց հրամանագիրը՝ տաճարը մզկիթ վերածելու մասին:

https://www.yerkir.am/news/view/209777.html