Պոլսոյ մէջ աճուրդի հանուած է պոլսահայ լուսանկարիչ Արա Կիւլերի 46 լուսանկար:

Այս մասին, tert.am-ի փոխանցմամբ, կը տեղեկացնէ «Անատոլու» գործակալութիւնը:

Ամենամեծ պահանջարկը ունեցած  է 1950 թուականին կատարուած «Առաւօտեան արեւի առաջին շողերու հետ Գումքափուի ձկնորսները կը վերադառնան նաւահանգիստ» լուսանկարը, որուն համար գնորդը առաջարկած է 14 500 լիրա, իսկ ներառեալ հարկերը անիկա գնորդին վաճառուած է 20 532 լիրայով (2990 տոլար):

Կիւլերի 1988 թուականին լուսանկարած «Արարատ լեռ» նկարը վաճառուած է 6500 լիրայով (շուրջ 950 տոլար):

1956 թուականի «Սիրքեջիի ձմեռնային օրուան ձիակառքն ու թրամվայը» եւ  նոյն թուականին լուսանկարած «Քանտիլլիէն մեկնող նաւը» աշխատանքները վաճառուած են 11 500 լիրայով (շուրջ 1675 տոլար):

Yerakouyn.com