Արեւմտահայերէն առցանց դասընթացք՝ հայախօսներու եւ ոչ հայախօսներու համար

Արևմտահայերէն Western Armenian online courses համացանցային դասընթացքի ծրագիրը արդէն չորս տարուան կեանք ունի։ Այս ծրագիրի միջոցով ոչ հայախօս հայերը կրնան բարելաւել իրենց  Արևմտահայերէնի իմացութիւնը, չկան  սահմանափակումներ: Սահուն Արեւմտահայերէն համացանցային իրականութիւն դարձած  դասընթացքի մասին առաւել մանրամասնութիւններ իմանալու համար մենք զրուցեցինք  ծրագիրի հիմնադիր եւ հեղինակ Սօսի Միշոյեան–Տապպաղեանի հետ:

Ծրագիրը կը վարէ ինքը, հայագիտութեան փորձառու ուսուցչուհին՝ Սօսին, որ շրջանաւարտ եղած է Հալէպի Ազգ Քարէն Եփփէ ճեմարանէն։Անգլերէն գրականութիւն ուսանած է Հալէպի պետական համալսարանի արուեստի եւ գրականութեան բաժանմունքին մէջ, որմէ ետք հետեւած է Համազգայինի հայագիտականի քառամեայ դասընթացքներուն: Հալէպի մէջ եղած է հայերէնաւանդ ուսուցչուհի նախ՝ Ազգ.Հայկազեան վարժարանի, ապա՝ Ազգ Քարէն Եփփէ ճեմարանին մէջ:

Սուրիոյ Պատերազմին պատճառով տեղափոխուած է Հայաստան, ուր հետեւած է Երեւանի Խ.Աբովեանի անուան համալսարանի  Հայոց լեզու եւ գրականութիւն բաժնի մագիստրոսական դասընթացքներուն եւ աւարտած: Այժմ  կ՚աշխատի ՀՀ ԳԱԱ Հրաչեայ Աճառեանի անուան լեզուի ինստիտուտի արեւմտահայերէն բաժանմունքին մէջ՝ իբր կրտսեր գիտաշխատող։

www.westernarmenian.me  կայքէջին մէջ կան լեզուական նիւթեր, քերականական խաղեր, տեսերիզներ, յօդուածներ, եւ դասընթացքի մանմանրամասնութիւններ: Տեսակապի միջոցով դասընթացքի հետեւողները օտարախօս հայեր են, որոնք կը պատմեն թէ իրենց մեծ մամաներու մահով մահացաւ նաեւ լեզուն, որովհետեւ տան մէջ այլեւս խօսող չմնաց այդ լեզուով, հետեւաբար իւրաքանչիւր բառ վերապրում կ՛ըլլայ իրենց համար,   անցեալը պեղելու եւ մայրենիէն պատառիկ մը փրցնելու տենչը կայ անոնց մէջ։ «Օրինակ, երբ Վրէժ արական անունը կը բացատրէի,  Ամերիկա ապրած  կնոջ համար սկիզբը շատ տարօրինակ  կը թուի, սակայն պահ մը տրամաբանելէ ետք կը մտածէ , որ միայն հայ մը կրնայ այդ անունով կոչել իր որդին»,-կը պատմէ զրուցակիցս՝ աւելցնելով , որ յաճախ հաճելի եւ զգայացունց պահեր կ՛ապրի իր աշակերտներուն հետ՝ երկուստէք սպասելով յաջորդ դասին, որ քիչ մը աւելի հաղորդուին մեր մայրենիին հետ, իրենք իրենց ինքնութիւնը վերականգնելու, իսկ  Սօսին՝ հոգեկանանին յագուրդ տալու։

Ըստ մեր հիւրին՝դպրոցի դասատուութիւնը և համացանցային դասընթաքը շատ տարբեր են իրարմէ։ Այն առումով , որ դպրոցը միայն գիտելիքի վայրը չէ , այլ ընկերային կեանքի դպրոց է նաեւ։

Մինչ համացանցը կը դառնայ զուտ գիտելիքի վայր, երբ աշակերտը կամովին կուգայ , հոն պարտադրանք  չկայ եւ ոգեւորութիւնդ մեծ կ՛ըլլայ, երբ դիմացդ ականջ կայ քեզ լսող, հետեւաբար՝  ամբողջ ունակութիւններդ ի գործ կը դնես օգտակար դառնալու։

«Երկրէ երկիր տեղափոխութիւն կատարելը դիւրին բան չէ, մանաւանդ, երբ առանձին չես եւ  ընտանիք ունիս , ամէն բան զերոյէն սկսիլը, նոր կեանք հիմնելը  , վերապրիլը․․․միշտ չէ , որ ակնկնալութիւններդ կ՛արդարացուին , որովհետեւ տեսակ-տեսակ խոչընդոտներու դէմ յանդիման  կը հանդիպիս, ո՞ւր որ ալ երթայինք նման դժուարութիւններու  պիտի հանդիպէինք, սակայն ապրուստը հոգալ պէտք է , գոյատեւել ։ Հետզհետէ խոստումներէն յոգնած կը գիտակցիմ , որ պէտք է սեփական եղունգներով ճանկել ,մագլցիլ եւ վեր բարձրանալ, ուստի ճարտարագիտական միջոցներէն օգտուելով 2016-ին հիմնեցի Սահուն Արեւմտահայերէն առցանց ծրագիրը, անհատական դասընթացքներով հայերէն սորվեցնելու բոլոր ցանկացողներուն»։

https://hy.armradio.am/ 

Leave a Reply

Your email address will not be published. Required fields are marked *