Իսպանիայի առաջին ալիքով տեղի կունենա հայկական պատմական «Ուրարտու. Մոռացված թագավորություն» ֆիլմի պրեմիերան

Իսպանիայի RTVE առաջին ալիքով տեղի կունենա հայկական պատմական «Ուրարտու. Մոռացված թագավորություն» ֆիլմի պրեմիերան. այս մասին «Ինֆոտեկա 24»-ի հետ զրույցում հայտնել է ֆիլմի պրոդյուսեր, HAYASA մշակութային-կրթական կենտրոնի հիմնադիր տնօրեն Տիգրան Մանասյանը:

Նշվում է՝ ռեժիսոր Վահե Վարդանյանի ֆիլմը պատմում է աշխարհի հնագույն պետություններից մեկի՝ Ուրարտուի մասին. այն Աստվածաշնչում հիշատակվում է որպես Արարատի երկիր:

Դիտարկմանը, թե ֆիլմը երբ կցուցադրվի Արցախում, Հայաստանում կամ Ռուսաստանում, Մանասյանը պատասխանել է, որ երևանյան ցուցադրությունը նախատեսված է Երևանի օրը կինոթատրոններից մեկում: Բայց կորոնավիրուսի հետ կապված իրավիճակը հնարավոր է՝ փոխի ծրագրերը, իսկ պրեմիերան կարող է տեղի ունենալ երկրում զանգվածային միջոցառումների արգելքի չեղարկումից հետո:

Նա հավելել է նաև, որ ֆիլմի ստեղծողներն աշխատում են այնպես անել, որ այն ցուցադրվի աշխարհի տարբեր հատվածներում: Մասնավորապես, բանակցություններ են ընթանում ԱՄՆ-ում, Ճապոնիայում և եվրոպական մի շարք երկրներում ֆիլմի ցուցադրության համար:

Ֆիլմը նկարահանվել է 4 երկրներում՝ Ռուսաստանում, Ֆրանսիայում, Հայաստանում և Թուրքիայում (Արևմտյան Հայաստան):

https://www.yerkir.am/news/view/203404.html 

Leave a Reply

Your email address will not be published. Required fields are marked *