«Հրանդ Տինք» հիմնադրամին 2-րդ սպառնալից նամակը ուղարկած են, կասկածելի մը եւս ձերբակալուած Է

Թուրքիոյ մէջ գործող «Հրանդ Տինք» հիմնադրամը տեղեկացուցած է, որ վերջին շրջանին երկրորդ սպառնալից նամակը ստացած է: Ուղարկուած ե-նամակին մէջ գրուած է. «Մենք, հաւանական է, գիշեր մը գանք»:

Թրքական «Կազեթէ Տարընճա» օրաթերթը կը գրէ, որ երկրորդ նամակին մէջ եւս Հրանդ Տինքի կնոջ` Ռաքելին, եւ հիմնադրամի փաստաբանին մահուամբ սպառնացած են:

Տակաւին քանի մը օր առաջ նմանատիպ մէկ այլ նամակէն ետք ձերբակալուած է անձ մը:

Հիմնադրամի փաստաբաններէն Ֆեթհիէ Չեթին յայտարարած է, որ նմանատիպ նամակները հաւանաբար ուղղակի սպառնալի չըլլան, որովհետեւ անոնք շատ նման են այն նամակներուն, որոնք կ՛ուղարկուէին Հրանդ Տինքի սպանութենէն առաջ:

Երկրորդ նամակէն ետք դարձեալ հետաքննութիւն սկսած է: Այս նամակը ուղարկուած է 31 մայիսին: Հետաքննութեան ծիրին մէջ ձերբակալուած է Բ.-ը, որ նախապէս բազմիցս դատապարտուած անձ եղած է:

Անոր մեղադրանք առաջադրուած է անանուն նամակով հիմնադրամին սպառնալու յանցանքով:

Aztagdaily.com 

Leave a Reply

Your email address will not be published. Required fields are marked *