ԱՄՆ Միջազգային կրոնական ազատությունների հանձնաժողովը քննադատել է Թուրքիային՝ Պոլսո պատրիարքի ընտրություններին միջամտելու համար

ԱՄՆ Միջազգային կրոնական ազատությունների հանձնաժողովը (USCIRF) քննադատել է Թուրքիայի Ներքին գործերի նախարարության կողմից Պոլսո Հայոց պատրիարքությանն ուղղված կանոնադրությունը, որի մեջ նշվում էր, որ ընտրություններին մասնակցելու իրավունք ունեն միայն Պոլսո պատրիարքարանի եպիսկոպոսները:

USCIRF-ի նախագահ Թոնի Փերքինսը նշում է, որ «թուրքական կառավարությունը կրոնական առաջնորդների ընտրական գործընթացներին անհավասար պայմաններ է ստեղծում և միջամտում համայնքների ներքին գործերին», ինչպես նաև կոչ անում ամերիկացի քաղաքական գործիչներին կարևորություն տալ այս խնդրին. հաղորդում է «Ակօսը»:

Կազմակերպության փոխնախագահ Գեյլ Մենչինն էլ նշում է, որ սա միայն մեկ օրինակ է, թե ինչպես է հայկական եկեղեցին մոտ 10 տարի շարունակ զրկված եղել հոգևոր առաջնոր ընտրելու իրավունքից:

Նշենք, որ օրեր առաջ Թուրքիայի ՆԳՆ կողմից ուղարկվել էր, Պոլսո պատրիարքի ընտրության վերաբերյալ կանոնադրությունը, որով արգելք էր դրվում Պոլսի պատրիարքությունից դուրս գտնվող թեկնածուներին մասնակցության վրա: Նախկինում պատրիարք կարող էր ընտրվել նաև այն եպիսկոպոսը, ով ծնունդով կամ հոր կողմից ծնունդով Թուրքիայի քաղաքացիներ են, իսկ այս կանոնադրությամբ այդ կետը հանվել է: Ներկայում կան երկու թեկնածուներ՝ պատրիարքի տեղապահ Սահակ Մաշալյանն ու Հոգևոր խորհրդի ատենապետ Արամ Աթեշյանը, իսկ մյուս հավանական թեկնածուն պետք է լիներ Հայ առաքելական եկեղեցու Գուգարաց թեմի առաջնորդ Սեպուհ արքեպիսկոպոս Չուլջյանը, որի շանսերը բավական մեծ էին գնահատվում, և կարելի է ենթադրել, որ կանոնադրության մեջ տեղ գտած այդ պահանջն առաջին հերթին ուղղված է Չուլջյանի դեմ, որով թուրքական իշխանությունները փորձում են խուսափել իրենց համար ոչ ցանկալի և չենթարկվող թեկնածուի ընտրվելուց:

https://www.yerkir.am/news/view/183751.html

Leave a Reply

Your email address will not be published. Required fields are marked *