Դինքի սպանության պահի տեսագրության անհետացումը պարզաբանել է բանկի տնօրենը

Հրանտ Դինքի սպանության գործով հերթական դատական նիստի ժամանակ վկայություն է տվել սպանության վայրին մոտ գտնվող բանկի այն ժամանակվա տնօրենը։

Ստամբուլի հայկական «Ակօս»-ի փոխանցմամբ՝ բանկի տնօրենը պատմել է, որ սպանության օրը մի քանի անգամ տարբեր ոստիկաններ են եկել եւ վերցրել տեսագրությունները։ Նա շեշտել է, որ ինքը չի ֆիքսել, թե որ ստորաբաժանումից են, սակայն տեսել է բոլորի վկայականները։ Նա նշել է, որ բացի ոստիկաններից, տեսագրությունը վերցրել են նաեւ Ազգային հետախուզության ծառայության աշխատակիցները։ Տնօրենը պնդել է, որ ինքը հանձնել է բոլոր տեսագրությունները ոստիկաններին ու Ազգային հետախուզության ծառայությանը։

Նշենք, որ Դինքի սպանության վայրի մոտ գտնվող բանկից վերցված տեսագրությունները, որում երեւացել է սպանության պահը, անհետացել է ոստիկանություն տեղափոխվելուց հետո։

https://news.am/arm/news/531985.html 

Leave a Reply

Your email address will not be published. Required fields are marked *