Ըստ ստացված տեղեկության` Կարսը, Արդահանը, Իգդիրը և Աղրըն (Արարատը) ընդգրկող սահմանային նահանգների զարգացման ուղղությամբ մեկնարկած նախագծի հիման վրա տրված նվիրատվությունները մեծ հետաքրքրություն են առաջացրել ձեռնարկատերերի շրջանում:

Արձանագրվել է, թե նաև որպես «սահմանային նահանգներ» բնորոշվող և Վրաստանին, Հայաստանին, Նախիջևանին ու Իրանին սահմանակից Թուրքիայի 4 նահանգների զարգացման նպատակով կենտրոնական բյուջեի կողմից հատկացված 12 միլիոն լիրայի չափով գումարից աջակցություն ստանալու  համար ձեռնարկատերերը սկսել են իրենց նախագծերը ներկայացնել, և որ մեծ պահանջարկ է գրանցվել տվյալ ծրագրի հանդեպ:  

Հաղորդվել է, որ «Ֆինանսական աջակցություն տնտեսական զարգացմանը» ծրագրի շրջանակներում 12 միլիոն լիրայի չափով գումարից 8 ու կես միլիոնը շնորհվելու է 4 նահանգում գործող փոքր և միջին ձեռնարկությունների զարգացման համար մշակված նախագծերին, իսկ մնացած 3 ու կես միլիոն լիրայի չափով գումարը` փոքր մասշտաբի ենթակառուցվածքային ծրագրերին:

Ստացվել է տեղեկություն, որի համաձայն` Աղրըում, Արդահանում, Իգդիրում և Կարսում, ինչպես նաև` տվյալ քաղաքներին ենթակա գավառների կենտրոններում նվիրատվությունների ծրագիրը ղեկավարող Սահմանների զարգացման գործակալության (SERKA) կողմից 2010 թ. հոկտեմբերի 20-ին սկսված նախագծի գումարից աջակցություն ստանալու համար ներկայացվող առաջարկների վերջնաժամկետը 2010 թ. դեկտեմբերի 30-ն է` հինգշաբթի օրը, և որ հետագայում օգնություն կցուցաբերվի տվյալ շրջաններին:

Նվիրատվության ծրագրի կապակցությամբ «Անադոլու» լրատվական գործակալության թղթակցին հարցազրույց տված Սահմանների զարգացման գործակալության (SERKA) գլխավոր քարտուղար Հյուսեյին Թութարը հայտնեց, որ շրջանի բնակչությունը մեծ հետաքրքրություն է դրսևորել տվյալ ծրագրի նկատմամբ, և քանի մոտենում է գումարը հավաքելու վերջին օրը, այնքան գումարի չափը զգալի կերպով ավելանում է: Թութարը բացատերլով, թե իրենք որոշել են 12 միլիոն լիրայի հասնող ողջ գումարը տրամադրել շրջանի կարիքները հոգալուն, հաղորդեց նաև, որ մտավախություն կա, թե իրենց ձեռքում եղած գումարը չի բավարարի բոլոր կարիքների համար:  

Նշելով, թե շրջանի մրցունակությունը բարձրացնելու նպատակով 8 ու կես լիրայի հասնող գումարը շնորհվելու է փոքր և միջին ձեռնարկություններին, Թութարն ասաց. «Ստացված բոլոր նախագծերը վերաբերում են զարգացմանը: Երբ հայացք եմ գցում մեր ստացած նախագծերին, տեսնում եմ, որ 12 միլիոն լիրան չի բավականացնելու: Նախագծերի արժեքն անցնելու է այդ գումարից, որովհետև ստանում ենք շատ որակյալ և փոփոխության հանգեցնող նախագծերի առաջարկներ»:

Հայտնելով, որ իրենք հիմնականում աջակցություն են ցուցաբերելու  3 գլխավոր բնագավառներում, հաղորդեց նաև, թե այդ գումարը հանձնվելու է շրջանում գյուղատնտեսության վրա հիմնված արդյունաբերության զարգացումը նախատեսող նախագծերին, անշարժ վիճակում գտնվող զբոսաշրջության պոտենցիալը գործի դնող նախագծերին, ինչպես նաև` այն աշխատանքներին, որոնք շրջանում ապահովելու են արդյունաբերության և առևտրի զարգացումը, և որոնք հայտնի են նաև փոքրամասշտաբ ենթակառուցվածքային նախագծեր անունով:

Հյուսեյին Թութարն ասաց. «Մենք գործում ենք շրջանի ներուժին համապատասխան», և հայտնեց, որ Սահմանների զարգացման գործակալությունը չի աջակցելու ստացված բոլոր նախագծերին, այլ կողմնակից է լինելու այն աշխատանքներին, որոնք առաջնային պլան կմղեն տվյալ շրջանները, տարբերություն կապահովեն մյուս նահանգներից, ի հայտ կբերեն միայն տվյալ նահանգներին հատուկ առավելությունները: Նա հաղորդեց, թե իրենք աջակցելու են ոչ թե «ցորենի ցանքին, այլ պարկուճավորների փաթեթավորմանը և արդյունաբերական արտադրանքի վերածմանը» և նշեց, որ 4 տարբեր երկրների հետ սահմանակից այդ նահանգների ներուժն օգտագործելով` ջանքեր են գործադրելու դրանց տնտեսական զարգացվածությունը մեծացնելու ուղղությամբ:

Թութարը նաև հայտնեց, որ շրջանի զարգացմանն աջակցության շրջանակներում ամեն մի նախագծի կարող են շնորհել ամենաշատը 400 հազար թուրքական լիրայի չափով գումար, և իրենք ուզում են, որ Սահմանների զարգացման գործակալության տված գումարի չափով ներդրում անեն նաև ձեռնարկատերերը:

«Մեր հույսի աղբյուրն են երիտասարդ ձեռնարկատերերը»

Թութարը նշելով, թե շրջանի զարգացման նպատակով մշակված նախագծերին հայացք գցելիս տեսնում ենք, որ առաջնային շարքերում են հայտնվել երիտասարդ ձեռնարկատերերը, նաև իր մեծ ուրախությունն արտահայտեց այդ առիթով:

Ընգծելով, որ երիտասարդ ձեռնարկատերերը մեծացնում են հույսը` տվյալ շրջանների զարգացման առումով, ասաց. «Որովհետև երիտասարդ ձեռնարկատեր նշանակում է, որ առնվազն 60 տարի շարունակ շրջանում ակտիվ գործելու են արդյունաբերությունը և առևտուրը: Մենք տարեց ձեռնարկատերերի համեմատ առավել կարևորում ենք երիտասարդ ձեռնարկատերերին: Երիտասարդ ձեռնարկատեր նշանակում է նորույթ, ներդրում և շրջանի երկարատև զարգացում ու կայունություն»:

Սահմանների զարգացման գործակալության (SERKA) գլխավոր քարտուղար Հյուսեյին Թութարը նաև ուշադրություն հրավիրելով այն բանի վրա, որ սխալ ընկալում է, թե շրջանի զարգացման համար նվիրատվությունների գումարը տրամադրել է ԵՄ-ն, հանդես եկավ հետևյալ մեկնաբանությամբ. «Դա ԵՄ-ի գումարը չէ: Այդ գումարն ամբողջովին հատկացվել է մեր պետության կենտրոնական բյուջեից` մեր շրջանի զարգացման համար: Դա մեր սեփական աղբյուրներից շրջանին հատկացված գումար է»:

Անադոլու գործակալություն  

28.12.2010