Կարո Փայլանին Ուրուգվայում ընդունել են ավանդական աղ ու հացով. իր կուսակցի հետ միասին նա հանդիպում է ունեցել հայ համայնքի ներկայացուցիչների հետ

Թուրքիայի խորհրդարանի պատգամավորներ Գարո Փայլանն ու քրդական համայնքի ներկայացուցիչ Էբրու Գյունայն օգոստոսի 12-14-ն աշխատանքային այցով գտնվում են Ուրուգվայում:

Tert.am-ի փոխանցմամբ, Ժողովրդադեմոկրատական կուսակցության անդամներն իրենց այցը Հարավային Ամերիկա սկսել են Մոնտեվիդեոյից, որտեղ մասնակցել են Սուրբ Ներսես Շնորհալի եկեղեցում մատուցված պատարագին:

Այնուհետև ծաղիկներ են դրել և հարգանքի տուրք մատուցել Հայոց ցեղասպանության զոհերի հիշատակին, ինչից հետո հանդիպումներ են կայացել Ուրուգվայի հայ համայնքի ներկայացուցիչների հետ:

Բացի այդ, պատգամավորներն այցելել են «Արմենիա» հրապարակ, որտեղ ներկա են գտնվել «Շիրազ» և «Գայանե» խմբերի ազգային պարերի ցուցադրմանը:

Ավելի ուշ «Վռամյան» ակումբում նրանց դիմավորել են ավանդական աղ ու հացով և ջրով, որից հետո շարունակվել են հանդիպումները տարբեր հայկական միավորումների ներկայացուցիչների հետ:

Հայ համայնքի հետ հանդիպմանը Փայլանը նշել է, որ Թուրքիայում փոփոխություններ հնարավոր կլինի անել միայն ժողովրդավարացման միջոցով. «Միայն ժողովուրդների պայքարի շնորհիվ, որոնք պայքարում են ֆաշիզմի դեմ»:

Փայլանն ու Գյունայը մինչև օգոստոսի 24-ը նախատեսում են այցելել նաև Արգենտինա, Բրազիլիա և Չիլի:

https://artsakhpress.am/arm/news/111796/ 

Leave a Reply

Your email address will not be published. Required fields are marked *