Վանա լճի Աղթամար կղզու Սուրբ Խաչ եկեղեցին վերաբացվելուց հետո արդեն 7-րդ անգամ պատրաստվում է ամենամյա պատարագին։ Այդ մասին, ըստ Akunq.net-ի, հաղորդում է թուրքական «Van Ekspres»-ը։

Աղբյուրի համաձայն՝ Թուրքիայի Մշակույթի և զբոսաշրջության նախարարության թույլտվությամբ 2010 թ․ ի վեր ամեն տարի կազմակերպվող պատարագի նախապատրաստական աշխատանքներն արդեն սկսված են։ Պատարագն այս տարի կմատուցվի սեպտեմբերի 8-ին։ Արարողությանը մասնակցել ցանկացողներն արդեն իսկ սկսել են հյուրանոցներում համարներ ամրագրել։

Թուրքական կայքէջը, բնականաբար չի հիշատակում, որ Վասպուրականի թագավոր Գագիկ Առաջինի կողմից կառուցված Սուրբ Խաչ եկեղեցին հայկական է, այլ բավարարվում է միայն նշելով, թե եկեղեցին մեծ նշանակություն ունի հայերի համար։   

 http://www.vanekspres.com/gundem/akdamar-7-kez-ayine-ev-sahipligi-yapacak-h13708.html

Թարգմանեց Մելինե Անումյանը

Akunq.net