Թուրքիայի դատարանը 119 զինվորականների ցմահ բանտարկության դատապարտեց պուտչիստների գործով. NTV

Անկարայի դատարանը մայիսի 30-ին 119 թուրք զինվորականների ցմահ բանտարկության է դատապարտել 2016 թ. հուլիսին պետական հեղաշրջման փորձին մասնակցելու համար: Այդ մասին, ինչպես տեղեկացնում է «Արմենպրես»ը, հայտնել է NTV հեռուստաալիքը

Դատապարտվածների թվում կան ռազմական օդաչուներ, որոնք չհաջողված պուտչի գիշերը ռումբեր են նետել եւ կրակ բացել մայրաքաղաքում հետախուզական ծառայության, խորհրդարանի եւ անվտանգության վարչության շենքերի վրա:

Այդ անձինք վեցից մինչեւ 29 ցմահ պատժաժամկետ են ստացել: Նախկին գնդապետ Ուղուր Քափթանը, որը դավադիրների կողմից բռնված զինված ուժերի գլխավոր շտաբի այն ժամանակվա պետ Հուլուսի Աքարին ուղղաթիռով հասցրել Է նախագահական պալատի տարածք, ստացել է 29 ցմահ բանտարկություն կամ մոտավորապես 3,9 հազար տարվա կալանք գործած հանցագործությունների միագումարով:
2016 թ. հուլիսի 15-ին Թուրքիայի զինուժերի մի խումբ զինվորներ ու սպաներ պետական հեղաշրջման եւ նախագահ Ռեջեփ Թայիփ Էրդողանին բռնելու փորձ են ձեռնարկել: Հիմնական դիմակայությունը ծավալվել է Ստամբուլում եւ Անկարայում, զոհվել է 250 մարդ, չհաշված պուտչիստներին, վերքեր է ստացել ավելի քան 2 հազար մարդ, հաղորդել է ՏԱՍՍ-ը:

https://armenpress.am/arm/news/976721.html

Leave a Reply

Your email address will not be published. Required fields are marked *