Հայկական նախագիծն օրակարգ չմտավ

 ԱՄՆ Ներկայացուցիչների պալատում Հայկական նախագիծն օրակարգ չմտավ: Թուրքիայի նախագահ Աբդուլլահ Գյուլը զգուշացրեց ԱՄՆ-ի վարչակազմին:

1915 թ. դեպքերը որպես «Հայոց ցեղասպանություն» ճանաչելու մասին նախագիծը երեկ ևս չմտավ Ներկայացուցիչների պալատի օրակարգ, իսկ Աբդուլլահ Գյուլը հանդես եկավ ԱՄՆ-ին ուղղված նախազգուշացմամբ:

Գյուլը, որը դիվանագիտական աղբյուրների միջոցով ԱՄՆ-ի նախագահ Բարաք Օբամային ուղերձ հղեց առ այն, թե Հայկական նախագիծը Ներկայացուցիչների պալատի օրակարգ մտցնելու նախաձեռնությունն «անհանգստություն է առաջացրել» Թուրքիա-ԱՄՆ հարաբերությունների ապագայի առումով, նաև շեշտեց, որ «սպասվում է, թե թույլ չի տրվի, որ սույն հարցը վտանգի տակ դնի թուրք-ամերիկյան հարաբերությունները»:

Գյուլի ուղերձը, որում ուշադրություն է հրավիրվում այն հանգամանքի վրա, որ Օբաման վերոնշյալ երկու երկրների հարաբերությունների նշանակությունն «ամենալավը հասկացող առաջնորդն է», մի նոր փուլ եղավ` ամեն պահ օրակարգ մտնելու հավանականություն ունեցող նախագծին արգելք լինելուն ուղղված Թուրքիայի ջանքերի առումով, Թուրքիա, որն այս հարցում դիմում է Սպիտակ տան միջամտությանը:

Թուրքիայի գործադրած ճնշումները` ողջ դաշտով մեկ

Թուրքիայի վարչապետ Ռեջեփ Թայիփ Էրդողանը հիշեցնելով, որ ԱՄՆ-ի նախագահ Բարաք Օբաման 2009 թ. Խաղաղության նոբելյան մրցանակին էր արժանացել, ասել էր. «Նոբելյան մրցանակը մեզ միշտ ներկայացրել են որպես խաղաղության հանդեպ սիրո արտահայտություն: Ես համոզված եմ, որ խաղաղությանն ու սիրուն հավատացողները ևս կաջակցեն մեզ այդ հարցում»:

Դրանից առաջ էլ Էրդողանը Օբամային էր ուղարկել Թուրքիայի անհանգստությունն արտահայտող մի նամակ:

Հունվարին նոր պատգամավորների` պաշտոնական պարտականություններին անցնելուց առաջ նախագիծը չմտավ «տարաբախտ» Ներկայացուցիչների պալատի օրակարգ: Պալատի նախագահ Նենսի Փելոսին զանգահարում էր իրեն մոտ եղող պատգամավորներին, որպեսզի նախքան արձակուրդը նրանք մասնակցեն խորհրդին, Հանրապետական կուսակցությունը ևս հանդես էր գալիս իր անդամներին ուղղված միևնույն կոչով, սակայն նրանց ջանքերն ապարդյուն եղան:

Քանի դեռ Վաշինգտոնում շարունակվում էր թուրքական և հայկական լոբբիների միջև պայքարը, հայկական սփյուռքի պարբերականներից «Ասպարեզ»-ը հանդես եկավ հետևյալ մեկնաբանությամբ. «Սպիտակ տունը Ցեղասպանության նախագծի նկատմամբ ամենաանտարբեր կառավարությունն է` մինչ այժմ եղած բոլոր ամերիկյան վարչակազմերի մեջ»:

Սպիտակ տան խոսնակ Ռոբերթ Գիբբսը հայտնել էր, թե համոզված է, որ նախագահ Օբաման «Ցեղասպանության նախագծի» մասին չի խոսել Կոնգրեսի ղեկարավների հետ:

23.12.2010

http://www.radikal.com.tr/Radikal.aspx?aType=RadikalDetay&ArticleID=1033715&Date=23.12.2010&CategoryID=81

Leave a Reply

Your email address will not be published. Required fields are marked *