Թուրքական դատարանը Սանասարյան խանը կրկին վերադարձրել է պետությանը

Թուրքիայի վճռաբեկ դատարանը նոր որոշումով Սանասարյան խանը հետ է վերադարձել Թուրքիայի Հիմնադրամների վարչությանը։

Ինչպես տեղեկացնում է Ստամբուլի հայկական «Ակօսը», նույն վճռաբեկ դատարանը 2017–ին որոշում էր կայացրել որ Սանասարյան խանը պատկանում է հայկական Սանասարյան խան հիմնադրամին եւ այն վերադարձրել հայերին։ Սակայն Թուրքիայի Հիմնադրամների վարչությունը բողոքարկել է այդ որոշումը, եւ դատարանն արդեն այս անգամ որոշել է, որ այն վերադարձվում է Հիմնադրամների վարչությանը։

Հայկական կողմի փաստաբան Ալի Էլիբեյօղլուն նշել է, որ դատարանի որոշումը բողոքարկելու են Սահմանադրական դատարան։

Նշենք, որ Սանասարյանի խանի վերադարձի համար արք. Արամ Աթեշյանը դատարան էր դիմել դեռեւս 2014–ի հուլիսի 3–ին։

Սանասարյան խանը կառուցվել է հայ բարեգործ Մկրտիչ Սանասարյանի կողմից 1895 թվականին։ Շենքի ճարտարապետն է եղել Հովսեփ Ազնավուրը։

https://news.am/arm/news/494690.html 

Leave a Reply

Your email address will not be published. Required fields are marked *