Խաժակ արք. Պարսամյանն ու Չավուշօղլուն Անկարայում քննարկել են Պոլսի պատրիարքի ընտրության հարցը

Վատիկանում Հայ եկեղեցու ներկայացուցիչ Գերաշնորհ Տեր Խաժակ արքեպիսկոպոս Պարսամյանը փետրվարի 4-ին Անկարայում հանդիպել է Թուրքիայի արտգործնախարար Մեւլութ Չավուշօղլուի հետ. հանդիպումը տևել է մոտ 1 ժամ:

Պոլսո Հայոց պատրիարքարանից հայտնում են, որ հանդիպումը ծրագրված է եղել նախապես:

Հանդիպմանը ներկա են գտնվել նաև Մայր Աթոռի Միջեկեղեցական հարաբերությունների բաժնի տնօրեն Շահե Անանյանն ու Պոլսո Հայոց պատրիարքի փոխանորդ Արամ արքեպիսկոպոս Աթեշյանը:

Նշվում է, որ քննարկման ընթացքում նախարար Չավուշօղլուն հայտնել է, որ տեղյակ է Պոլսո Հայոց պատրիարքի ձգձգվող ընտրության հետ կապված խնդիրների մասին: Թուրքիայի ԱԳՆ ղեկավարը շեշտել է, որ իրենք հետևում են Պոլսո պատրիարքարանում տեղի ունեցող անցուդարձին:

«Նախարարը համբերություն պահանջեց՝ բարվոք լուծում գտնելու համար», – ասված է պատրիարքարանի տարածած հաղորդագրության մեջ:

https://news.am/arm/news/494568.html 

Leave a Reply

Your email address will not be published. Required fields are marked *