Թուրքիայի Մարդինում ապրող մուսուլման կինը շարունակում է պահպանել հայկական եկեղեցին

Թուրքիայի Մարդին նահանգի նախկինում հայաշատ Դերիքի շրջանում ապրող 80-ամյա Հաթուն Չաչուրը շարունակում է խնամել ու պահպանել հայկական Սուրբ Գեւորգ եկեղեցին։

Թուրքական Haberler-ը անդրադարձել է Դերիքում ապրող 80-ամյա Հաթուն Չաչուրի գովելի քայլին՝ հարցազրույց անելով 8 երեխաների մոր հետ։

Հաթուն Չաչուրը նշել է, թե եկեղեցուն աչքի լույսի պես 24 ժամ հետեւում է։ «Աստծո համար, բարության համար եմ եկեղեցին խնամում»,-ասել է Հաթուն Չաչուրը՝ հիշեցնելով, որ նախկինում եկեղեցին խնամում էին Դերիքի միակ հայ ամուսինները, սակայն նրանք տարիքի հետ կապված առողջական խնդիրների պատճառով այլեւս չեն կարողանում։

Հաթուն Չաչուրը նշել է, որ ոչ պետությունը, ոչ էլ հայերն իրեն չեն օգնում, իսկ ինքը կամավոր խնամում եւ պահպանում է եկեղեցին։

Նշենք, որ Դերիքում բազմաթիվ եկեղեցիներից միայն 1650-ականներին կառուցված Սուրբ Գեւորգն է Ցեղասպանությունից հետո կանգուն մնացել։

https://news.am/arm/news/445844.html

  1 comment for “Թուրքիայի Մարդինում ապրող մուսուլման կինը շարունակում է պահպանել հայկական եկեղեցին

  1. Hamlet
    2018/04/12 at 12:43

    2012 թվին, հայկական խմբով Մարդինում էինք, Ցանկացանք այցելել այդ եկեղեցին, սակայն նույն այդ կինը նույնիսկ իմանալով որ Հայաստանից եկած խումբ ենք, չբարեհաճեց նույնիսկ դուռը բացել եկեղեցու։ էնպիսի մի հիստերիայի մեջ ընկավ։ էնպես սկսեց գոռգռալ, որ ամբողջ թաղամասի բնակչությունը հավաքվեց մեր շուրջը։ Մենք էլ ստիպված այցելեցինք ասորական եկեղեցի։ Իրականում իրենք ապրում են եկեղեցու տարածքում և ներկայանում են որպես արաբներ.
    Իրենց համար մեծ եկամուտի աղբյուր է։ Եթե եկեղեցին մինչ օրս պահպանվում է, միայն դա է պատճառը։

Leave a Reply

Your email address will not be published. Required fields are marked *