Թուրքիայում՝ Մալաթիայի Յեշիլյուրթ փողոցում, նոյեմբերի 25-ի երեկոյան ժամերին անհայտ անձը քարով հարձակվել է «Փրկության եկեղեցիների միությանը» պատկանող գրախանութի վրա: Գրախանութը և միությունը հայ համայնքինն են, գրում է CNN Turk-ը:

Անվտանգության տեսախցիկները ֆիքսել են քարով միության շենքի պատուհանը կոտրած անձի փախուստի պահը: Դեպքի վայր մեկնած ոստիկանները հարցաքննել են ականատեսներին եւ վերցրել տեսախցիկների տեսագրությունները։ Տեսագրությունների հիմքով ոստիկանությունը հետաքննություն է սկսել:

Ավելի վաղ նույն քաղաքում նշաններ էին արվել մի քանի ալևիների դռների վրա: Ալևի համայնքը բողոքի է դուրս եկել և հայտարարել է, որ իրենց դռներին նման նշաններ էին արվել նաև Մարաշի ջարդերից առաջ:

http://www.armtimes.com/hy/article/125949