Մեկնարկում է «Իզմիրն ու շրջակայքը» խորագրով գիտաժողովը

Հրանտ Դինքի հիմնադրամի  կողմից կազմակերպվող «Իզմիրն ու շրջակայքը. հասարակական, տնտեսական ու մշակութային փոփոխության հարյուր տարին, 1850-1950 թթ.» խորագրով  գիտաժողովը, տեղի կունենա 2017 թ. նոյերմբերի 21-25-ը Իզմիրի Ահմեդ Ադնան Սայգունի անվան արվեստի կենտրոնում:

Գիտաժողովի նպատակն է 1850-1950 թթ. Իզմիր քաղաքում ու նրա շրջակայքում տեղի ունեցած հասարակական, քաղաքական ու մշակութային փոփոխություններն ու այս թեմայով կատարված նոր աշխատանքները գիտական աշխարհին ներկայացնելը: Այն նպատակ է հետապնդում նաև բացել Իզմիրում ու նրա շրջակայքում տեղի ունեցած փոփոխությունների` համապարփակ ու քննադատական  մոտեցմամբ դիտարկվելու ճանապարհը:

Գիտաժողովը սկսվելու է գիտական խորհրդի անդամ դոկ. պրոֆ. Այհան Աքթարի բացման խոսքով ու դոկ. պրոֆ. Էլչին Մաջարի զեկույցով: Թվով 24 զեկուցում է լինելու: Զեկույցով հանդես են գալու  Էվանգելինա Աչլադին, Ջանան Բոլելը, Այչա Աքարչայը, Նուրհան Դավությանը, Սեզգին Փոլաթը, Էմրել Էրոլը, Էլլինոր Մորաջքը, Անդրեաս Բալթասը, Անահիտ Քարտաշյանը, Նիկոս Օրդուլիդիսը, Էսին Բերքթայը, Նիկոլաուս Ուզունօղլուն, Անդրեաս Բոուրոտիսը, Միքաիլ Վարլասը, Հասմիկ Գրիգորյանը, Արի Շեքերյանը, Ալփ Յուջել Քայան, Էրկան Սերչեն, Էմրե Էլդեմը, Ումիթ Քուրթը, Թալաթ Ուլուսոյը, Ալեքսանդրոս Լամպրոուն, Իոաննիս Քարախրիստոսը, Օնուր Ինալը, Զաքարյա Միլդանօղլուն, Էսրա Դանաջըօղլու Թամուրը, Ումիթ Էսերը:

Գիտաժողովի ժամանակ կկատարվի թուրքերենից անգլերեն բանավոր թարգմանություն: Այն ուղիղ եթերով կհերառձակվի  www.hrantdink.org  կայքում ու յութուբյան էջում:

http://www.agos.com.tr/tr/yazi/19726/izmir-ve-cevresi-konferansi-basliyor

Թարգմանեց Անի Մելքոնյանը

Leave a Reply

Your email address will not be published.