Գերմանիայում կայացած մի միջոցառման ժամանակ ներկայացվել է Արևմտյան Հայաստանի քարտեզը. թուրքերը վրդովված են

Գերմանիայում Հայ առաքելական եկեղեցու առաջնորդարանը Քյոլնի տաճարի առջև մի միջոցառում է կազմակերպել` «Արարատի լռությունը. հայկական մշակույթն ու պատմությունը» խորագրով: Միջոցառման ընթացքում ցույց է տրվել նաև Արևմտյան Հայաստանի քարտեզը, ինչը զայրացրել է թուրքերին:

Այդ մասին, ըստ Akunq.net-ի, հաղորդում են թուրքական լրատվամիջոցները:  Աղբյուրի փոխանցմամբ` սոցիալական ցանցերում հրապարակված միջոցառման լուսանկարները թուրքերի վրդովմունքն են հարուցել:

Թուրքական լրատվամիջոցները շեշտում են նաև, որ այդ միջոցառումը կայացել է թուրք-գերմանական հարաբերությունների լարվածության ֆոնին, և որ մինչ այժմ Գերմանիայի ոչ մի պաշտոնական հաստատություն չի մեկնաբանել «կատարվածը»:

Akunq.net

Leave a Reply

Your email address will not be published. Required fields are marked *