Երբ խոսքը հայերի կամ քրդերի մասին է, Թուրքիայում իսլամականները, քեմալականներն ու ազգայնականները մեկ են դառնում. Կարո Փայլան

Garo PaylanԹուրքիայի քրդամետ Ժողովրդադեմոկրատական կուսակցության անդամ, խորհրդարանի հայազգի պատգամավոր Կարո Փայլանը Twitter-ի իր էջում մեկնաբանել է աղմկահարույց ելույթից հետո իր հասցեին ուղղված քննադատությունների տարափն ու առաջացած իրարանցումը:

«Երբ խոսքը հայերի կամ քրդերի մասին է, իսլամականները (նկատի ունի իշխող Արդարություն և զարգացում կուսակցությանը-Tert.am), քեմալականներն (Ժողովրդահանրապետական կուսակցություն) ու ազգայնականները (Ազգայնական շարժում կուսակցություն) Թուրքիայում մեկ են դառնում»,- գրել է Փայլանը:

Հիշեցնենք, որ Կարո Փայլանը խորհրդարանում սահմանադրական փոփոխությունների վերաբերյալ նախագծի քննարկման ժամանակ հիշեցրել էր նաև Հայոց ցեղասպանության մասին: Փայլանը, մասնավորապես, նշել էր, որ երկրին անհրաժեշտ է այնպիսի Սահմանադրություն, որը կպաշտպանի Թուրքիայի բազմակրոն ու բազմաէթնիկ հասարակության բոլոր շերտերի իրավունքները:

http://www.tert.am/am/news/2017/01/16/paylan/2249344

Leave a Reply

Your email address will not be published. Required fields are marked *