ԱՄՆ-ն Թուրքիային օգնություն է առաջարկել պետական հեղաշրջման փորձի հետաքննության եւ հեղաշրջմանը Հիզմեթ շարժման գաղափարախոս Ֆեթուլլահ Գյուլենի մասնակցության վերաբերյալ ապացույցներ որոնելու հարցում: ՏԱՍՍ-ի փոխանցմամբ՝ այս մասին հայտարարել է ԱՄՆ պետքարտուղարության ներկայացուցիչ Ջոն Քիրբին:

«Ես տեղյակ չեմ թուրքական կառավարության կողմից որեւէ հստակ խնդրանքի մասին հեղաշրջման փորձի հետաքննության եւ Գյուլենի արտահանձնման հայց կազմելու հարցում: Բայց մենք առաջարկել ենք օգնել երկու հարցում էլ: Մենք շարունակում ենք կապի մեջ մնալ թուրքական իշխանությունների հետ»,- ասել է Քիրբին:

Խոսելով Գյուլենի արտահանձնման հնարավորության մասին՝ նա կրկին ընդգծել է, որ ԱՄՆ-ն այդ հարցը կքննարկի միայն նրա մեղքի մասին ծանրակշիռ ապացույցներ ստանալուց հետո:

http://news.am/arm/news/338394.html