Մոնրեալում կազմակերպված թուրքական ֆիլմերի փառատոնում լավագույնն է ճանաչվել համշենահայ կինոռեժիսոր Օզջան Ալպերի «Քամու հիշողությունները» ֆիլմը, որը նվիրված է Հայոց ցեղասպանության թեմային: Այդ մասին, ըստ Akunq.net-ի, հաղորդում է թուրքական “Evrensel” օրաթերթը:

Աղբյուրի համաձայն` մրցանակ ստացած համշենահայ Օզջան Ալպերը, ելույթ ունենալով փառատոնի ժամանակ, մասնավորապես նշել է. «Եթե այս աշխարհում, երբ գրեթե բոլորը անտուն և անտեր են մնացել, աքսորյալ ու գաղթական դարձել, հանդիսատեսը դեռ կարողանում է «Քամու հիշողությունների» հերոսներից Արամի հետ միասին անցյալին նայել, թերևս ամեն բան կորած: Քանզի թե Թուրքիայի տարածքներում, թե Մերձավոր Արևելքում ներկայում տեղի ունեցող իրադարձությունների պատճառներից մեկն էլ այն է, որ բավարար չափով չենք կարողացել առերեսվել անցյալ դարերում կատարված դեպքերի հետ և, որպես մարդկություն, բավականաչափ չենք խրատվել դրանցից: Մաղթում եմ, որ այլևս ոչ թե աքսորների, ցեղասպանությունների, այլ մարդկության ապրած գեղեցիկ օրերի մասին ֆիլմեր ստեղծենք: Մեկ անգամ ևս շնորհակալություն եմ հայտնում բոլորին, ովքեր ներդրում են ունեցել այս ֆիլմի ստեղծման գործում, ինչպես նաև` այս մրցանակն ինձ արժանացրած Ընտրող հանձնաժողովին»:

Մելինե Անումյան

 Akunq.net