Թուրքիայում Քղի գավառի հայկական Սուրբ Գևորգ եկեղեցին վերականգնելու որոշում է կայացվել

Çanakçı Köyü KilisesiԹուրքիայի իշխանությունները Բինգյոլ նահանգի Քղի գավառի Չանաքչը գյուղի Սուրբ Գևորգ հայկական եկեղեցին վերականգնելու որոշում են կայացրել: Այդ մասին, ըստ Akunq.net-ի, հաղորդում են թուրքական լրատվամիջոցները:

Աղբյուրի համաձայն` Բինգյոլի նահանգապետարանի գրավոր հայտարարության մեջ նշվում է, որ Բինգյոլի ամենահին բնակավայրերից մեկը եղող Քղիում գտնվող Չանաքչը գյուղի եկեղեցին կարճ ժամանակահատվածում վերականգնվելու է` Էրզրումի (Կարին-Ակունքի խմբ.) Մշակութային և բնական հարստությունների պահպանման շրջանային խորհրդի որոշմամբ:

Վերջնականապես քանդվելու վտանգի տակ գտնվող 250 տարվա Սուրբ Գևորգ եկեղեցին գրեթե ավերակ վիճակում էր: Չանաքչը գյուղի գյուղապետ Մեհմեդ Ասալը, շեշտելով սույն եկեղեցին շտապ վերականգնելու անհրաժեշտության մասին, նահանգապետարանին հայտնել էր, որ այն, չվերանորոգվելու դեպքում, կարող է վնաս հասցնել նաև շրջակա տներին:

Գյուղապետ Մեհմեդ Ասալի մտահոգությունը հաշվի առած Բինգյոլի նահանգապետարանը խնդրի մասին հաղորդել էր Էրզրումի Մշակութային և բնական հարստությունների պահպանման շրջանային խորհրդին: Վերջինս էլ եկեղեցին վերականգնելու որոշում է կայացրել:

Akunq.net

Leave a Reply

Your email address will not be published. Required fields are marked *