Ստամբուլի հայկական «Ակօս»-ը կիբերհարձակման եւ սպառնալիքների հետ կապված դիմել է դատախազություն

siber saldırı ve tehditlerՍտամբուլի հայկական «Ակօս» պարբերականի դեմ կիբերհարձակման եւ գլխավոր խմբագիր Ռոբեր Քոփթաշին սպառնալու հետ կապված «Ակօս»-ի փաստաբան Հաքան Բաքըրջըօղլուն դիմել է դատախազություն՝ հիշյալ դեպքերի առթիվ հետաքննություն սկսելու համար։

Ինչպես տեղեկացնում է «Ակօս»-ը, Ստամբուլի գլխավոր դատախազություն ներկայացված դիմումի մեջ  ուշադրություն է հրավիրվում 2014-ի հունվարի 20-ին եւ 25-ին «Ակօս» պարբերականի ինտերնետ կայքի դեմ կիբերհարձակման վրա, որի հետեւանքով խափանվել է կայքի գործունեությունը։ Դիմումի մեջ նշվում է նաեւ «Ակօս»-ի գլխավոր խմբագիր Ռոբեր Քոփթաշի դեմ Twitter-ի միջոցով սպառնալիքներ եւ հայհոյանքներ ուղարկելու փաստը։

Նշենք, որ «Ակօս»-ի նախկին գլխավոր խմբագիր Հրանտ Դինքի սպանության 7-րդ տարելիցի հաջորդ օրը՝ հունվարի 20-ին եւ 5 օր անց, թուրք ազգայնականները կոտրել էին «Ակօս»-ի կայքը, տեղադրել Աթաթուրքի լուսանկարը եւ թողել գրություն. «Երջանիկ է նա, ով ասում է թուրք եմ»։

Իսկ Twitter-ի միջոցով @BIBERIN_GAZI կեղծանունով օգտատերը սպառնալիքներ եւ հայհոյանքներ է ուղարկել «Ակօս»-ի գլխավոր խմբագիր Ռոբեր Քոփթաշին՝ ասելով. «Հերթը քեզ է գալու»:

http://news.am/arm/news/193637.html

Leave a Reply

Your email address will not be published. Required fields are marked *