Հայկական տարազ

Հայկական տարազի մեջ գերակշռում են չորս տարերքի գույները, որոնք XIV դարի հայ փիլիսոփա Գրիգոր Տաթեւացու վկայությամբ, արտահայտում են ՚երկրի սեւությունը, ջրի սպիտակությունը, օդի կարմիրը եւ հրո դեղինըՙ: Ծիրանին խորհրդանշում է խոհեմություն եւ ողջախոհություն, կարմիրը՝ արիություն եւ մարտիրոսություն, կապույտը՝ երկնավոր արդարություն, սպիտակը՝ մաքրություն:

Այսօր Հայաստանի պատմության թանգարանում բացվեց մի բաժին, որտեղ կներկայացվեն 18-19 դարերի հայկական տարազներ, տարազի, զարդարանքի առանձին մասեր, զադարանքի առարկաներ ու զարդեր, ասեղնագործության նմուշներ: Ցուցադրությանը ներկայացվեցին 200 տեսակ: Այս ամենը մինչ ցուցադրությունը պահպանվել է Հայաստանի պատմության թանգարանի ազգագրության բաժնի ֆոնդերից մեկում, իսկ ձեռք է բերվել տարիների ընթացքում Հայաստանի տարբեր շրջաններից: Հիմնականում նվերներ են: ՚Ես ինձ համար շատ բան հայտնաբերեցի: Ինձ շատ հետաքրքիր էր տարազների կատարման եղանակները, ինչ ձեւով են կարվել, ստեղծվել: Տարբեր տիպի տեխնիկայի հետ գործ ունենք: Ինչ որ մի մասը մինչեւ մեր օրն է պահպանվել եւ կիրառական արվեստում շատ ակտիվ օգտագործվում է, բայց կան տեխնիկաներ, որոնք մենք կորցրել ենք եւ ինչ-որ բան ունենք անելու: Պետք է հետազոտենք, գուցե կարողանանք դա վեր հանել եւ այսօր նորից դնենք շրջանառության մեջՙ,-ասաց Մշակույթի եւ երիտասարդության հարցերի նախարար Հասմիկ Պողոսյանը,

Հայաստանի յուրաքանչյուր գավառ առանձնանում է իր տարազով: Հայկական ասեղնագործության հայտնի կենտրոնները՝ Վան-Վասպուրականը, Կարինը, Շիրակը, Սյունիք-Արցախը, Կիլիկիան, առանձնանում են զարդաձեւերի, գունային համադրության եւ ամբողջ հորինվածքի ռիթմիկ ու ոճական նկարագրով: Օրինակ` Բարձր Հայքի կենտրոն Կարինում կանանց հագուստի համալիրում գործածական էին վերնազգեստի 4 տեսակ, որոնք ունեին միեւնույն ձեւվածքը, սակայն տարբերվում էին կտորի տեսակով եւ զարդաձեւերով: Մահուդից կարվածքը կոչվում էր ջուպպա, թավշիցը՝ խրխա, մետաքսիցը՝ ղատիֆա, բրդյա գծավոր կտորիցը՝ փութալի:

http://forum.am-kayq.com/topic1810264

Հայկական տարազներ կարող եք տեսնել հետևյալ հասցեով

http://www.google.am/images?hl=ru&q=%D5%80%D5%A1%D5%B5%D5%AF%D5%A1%D5%AF%D5%A1%D5%B6+%D5%BF%D5%A1%D6%80%D5%A1%D5%A6&rlz=1R2SKPB_enAM363&um=1&ie=UTF-8&source=univ&ei=7TtATOmaK8juOa3yhdcM&sa=X&oi=image_result_group&ct=title&resnum=1&ved=0CCAQsAQwAA

Leave a Reply

Your email address will not be published. Required fields are marked *