Աղթամարի Սուրբ Խաչ եկեղեցում իրականացվող պատարագի նկատմամբ հետաքրքրությունը նվազել է. թուրք պաշտոնյա

AhtamarԹուրքիայի ճամփորդական գործակալությունների միության Վանի նահանգային գրասենյակի տնօրեն Աբդուլլահ Թունչդեմիրը հայտարարել է, թե Աղթամար կղզու Սուրբ Խաչ եկեղեցում իրականացվող պատարագի նկատմամբ հետաքրքրությունը նվազել է, ինչն անհանգստացնում է տուրիզմի պատասխանատուներին:

Թուրքական լրատվական գործակալության փոխանցմամբ՝ Վանի Աղթամար կղզու հայկական Սուրբ Խաչ եկեղեցում այս տարվա սեպտեմբերի ութին իրականացվելիք պատարագի հետ կապված հայտարարության մեջ Թուրքիայի ճամփորդական գործակալությունների միության Վանի նահանգային գրասենյակի տնօրեն Աբդուլլահ Թունչդեմիրը նշել է, թե խիստ տարբերություն կա առաջին պատարագի եւ առաջիկայում իրականացվելիք պատարագի նկատմամբ հայերի հետաքրքրվածության մեջ: Նա շեշտել է, թե հայտնի չէ, թե ինչի հետեւանքով է սկսել նվազել հայերի հետաքրքրությունը պատարագի նկատմամբ՝ ասելով, թե աշխատանքներ են տարվում՝ պատճառները հասկանալու ուղղությամբ:

«Եկեղեցին վերանորոգեցինք եւ խաչը տեղադրեցինք: Ինչ մեզնից հասնում էր, արեցինք: Հիմա մենք հայերին հրավիրում ենք Վան եւ սպասում նրանց»,-նշել է Աբդուլլահ Թունչդեմիրը:

Նշենք, որ Վանի Աղթամար կղզու Սուրբ Խաչ եկեղեցում հերթական պատարագը տեղի կունենա սեպտեմբերի ութին:

Պատարագն իրականացնում է Պոլսո հայոց պատրիարքարանը՝ պատրիարքական ընդհանուր փոխանորդ, արք. Արամ Աթեշյանի գլխավորությամբ:

Լուսանկարը` Akunq.net-ի

http://news.am/arm/news/168705.html

Leave a Reply

Your email address will not be published. Required fields are marked *