Քրդական համայնքների միությունը սպառնացել է վերսկսել պատերազմը Թուրքիայի դեմ

PKKՔրդական համայնքների միությունը Թուրքիայի կառավարությանը մեղադրել է թուրքքրդական հաշտեցման գործընթացի իրագործման հարցում անգործության և քայլեր չձեռնարկելու մեջ: Միության զինված խմբավորման անդամ Դելալ Ամեդը Քուրդիստանի բանվորական կուսակցության (ՔԿԲ-PKK) լրատվական ծառայությանը տված հարցազրույցում ասել է, որ եթե առաջիկա օրերին Թուրքիայի կառավարությունը հաշտեցման գործընթացի շուրջ որևէ քայլ չձեռնարկի, ապա այն կհանգեցնի գործընթացի ավարտին, և իրենք կրկին կպատրաստվեն պատերազմական գործողությունների:

Նրա խոսքով, հանուն խնդրի ժողովրդավարար և խաղաղ լուծման` իրենք, համարձակություն դրսևորելով, անձնազոհության են գնում: Դելալ Ամեդն ասել է. «Մենք պարզ և անկեղծ ենք խոսում, իսկական հաշտության ենք ձգտում: Սակայն կան մարդիկ, ովքեր անլուրջ են վերաբերվում քրդական խնդրին: Նրանք, ովքեր ձգտում են փոշիացնել մեր ջանքերը, կստանան իրենց արժանի պատասխան»:

Դելալ Ամեդն ասել է նաև, որ ինչ իրենք սկսել են դուրս բերել իրենց զինված խմբերին, Թուրքիան իրենց լքած տարածքներում ավելի է ուժեղացնում իր դիրքերը՝ հավելյալ զինված ուժեր տեղակայելով, զինամթերքի նոր մեծ պաշարներ կենտրոնացնելով: Վերջում Դելալը սպառնացել է, որ եթե նույն վիճակը շարունակվի նաև առաջիկա օրերին, ապա իրենք ստիպված կլինեն վերստին դիրքավորվել՝ պատերազմ սկսելով Թուրքիայի դեմ:

http://ermenihaber.am/?lang_id=2&news_=7&cur_news=779

Leave a Reply

Your email address will not be published. Required fields are marked *