Հայոց պատրիարքարանի սուրբ գանձերը

 «Աքշամ» օրաթերթն այցելեց Գում Գափու թաղամասի Պոլսո Հայոց պատրիարքարանի  ներքնահարկում գտնվող՝ Պատրիարք Հովհաննես Կոլոտ Իններորդի թանգարանը, որում պահվում են քրիստոնյա աշխարհի սուրբ մասունքներ: Պատրիարքարանի հատուկ բաժիններում պահպանվում են քրիստոնյա աշխարհի կողմից սուրբ համարվող հարյուրավոր նմուշներ` Սուրբ Հիսուսի խաչի մասունքից մինչև Կաղանդ պապի մասունքը: Հայոց պատրիարքարանի առաջին քարտուղար Վաղարշակ Սերոբյանի ներկայացրած թանգարանի ամենակարևոր առանձնահատկությունն այն է, որ սույն թանգարանը չի եղել ԶԼՄ-ների ուշադրության կենտրոնում, և հետևաբար շատ քչերին է հայտնի նրա գոյությունը:

Թանգարանը ձևավորվել է Հոգևոր խորհրդի նախագահ, եպիսկոպոս Արամ Աթեշյանի առաջնորդությամբ և պատրիարքարանի գրոցում աշխատող գլխավոր քարտուղար Վաղարշակ Սերոբյանի և հետազատող ու գրող Արսեն Յարմայանի կողմից: Իսկ յուղաներկով արված կտավները վերականգնել է հայկական համայնքում ճանաչված նկարիչ Հակոբ Էգոյանը:

Սերոբյանը հայտնեց, որ պատրիարքարան այցելող նշանավոր պետական անձինք ու հյուպատոսներն ավելի շատ են սկսել մտնել թանգարան:

Մեկը մյուսից արժեքավոր կտավներ

Թանգարանի մուտքի մոտ ցուցադրվում են պատմական թեմաներով կտավներ: Թանգարանի հենց այս բաժնում են ցուցադրվում յուղաներկով արված այնպիսի կտավներ, ինչպիսիք են Օսմանյան կայսրության դրամահատարանի ֆինանսական գծով խորհրդական Հարություն Ամիրա Պեզճյանի /Քազազ Արթին/ (1771-1834 թթ.) դիմանկարը, դարձյալ Պեզճյանի դիմապատկերը` այս անգամ սուլթան Մահմուդ Երկրորդի (1808-1839)  հետ, օսմանյան արքունի ճարտարապետների մեջ ամենանշանավորի` Կարապետ Ամիրա Պալյանի (1800-1866)  դիմանկարը:

Հայտնագործվեց

Պատրիարքարանում կատարված վերանորոգման աշխատանքների ընթացքում հայտնագործվեց նաև ուշագրավ մի սենյակ: Բարեփոխված այս սենյակն օգտագործվում է նաև որպես «աղոթասենյակ»: Ուսումնասիրությունների արդյունքում պարզվեց, որ այս սենյակը պատկանում է 18-րդ դարին: Պատրիարք Մութաֆյանը հիվանդությունից առաջ երբեմն եկել և աղոթել է այս սենյակում:

«Աքշամ» օրաթերթ, Բյուլենթ Շանլըքան

http://www.aksam.com.tr/

Leave a Reply

Your email address will not be published. Required fields are marked *