Հայկական եկեղեցին դառնում է մշակութային կենտրոն

«Ստամբուլը 2010 թ. եվրոպական մշակույթի կենտրոն» գործակալությունը սկսել է Սուրբ Որդվոց որոտման եկեղեցու վերականգնողական աշխատանքները:

«Ստամբուլը 2010 թ. եվրոպական մշակույթի կենտրոն» գործակալությունը անցավ գործի, որպեսզի վերականգնի այն կառույցը, որի նախագիծն արվել էր ճարտարապետներ Գրիգոր Ամիրա Բալյանի և Դևլեթ Կարապետի կողմից, որը բաղկացած է մեկ տաճարից (Մարիամ Աստվածածին) ու երկու մատուռից (Սուրբ խաչ և Սուրբ Որդվոց որոտման), և որը կրոնական արարողությունների համար բացվել էր 1828 թ. հոկտեմբերի 14-ին:  

Գում Գափու թաղամասում գոյություն ունեցող երեք հայկական եկեղեցիներից մեկը հանդիսացող, 1641 թվականից մինչ օրս որպես պատրիարքարանի եկեղեցի ծառայող, իսկ 1940-ականներին՝ որպես շղթայի ու ճոպանի գործարան օգտագործված սույն եկեղեցին Վարթոյի և Լիջեի երկրաշարժերի ժամանակ ծառայել է նաև որպես ապաստարան:

Ստամբուլի վաղուց չգործածվող սույն եկեղեցին այս նախագծով կդառնա արվեստի միջոցառումների կազմակերպման վայր: Ճարտարապետական տեսանկյունից եկեղեցին քաղաքի մշակութային նոր օջախներից մեկի՝ մշակութային կենտրոնի վերածելու նախագիծն օրինակելի կդառնա: Այդպես նախատեսում են օրինակ ծառայել նաև մյուս եկեղեցիների համար:  

Այսպիսով՝ Ստամբուլում առաջին անգամ նման կրոնական շինության տերերը, որի օգտագործողները չեն փոխվելու, սեփական կամքով ու ցանկությամբ կառույցը վերածելու են մշակութային կենտրոնի:

Այս փոփոխության ճարտարապետական ու գեղարվեստական ձևերը զարգացնելու նպատակով վերականգնման նախագիծը քննարկվելու է մեկ ամբողջության մեջ: Նախագծի ստեղծման մեջ իրենց համակարգված աշխատանքներով ներգրավվելու են նաև ճարտարապետներ և արվեստի գործիչներ:

Այդ տեսանկյունից շատ լավ օրինակ է լինելու կարևոր մի մշակութային ժառանգություն հանդիսացող այս կառույցի վերաբերյալ ճարտարապետական պլյուրալիզմը: Նման մեթոդով քննարկումները ցույց կտան, թե մի մշակութային հարստություն ինչպես կարող է պահպանվել` ստեղծագործական վերաիմաստավորումների շնորհիվ կրոնական առանձնահատկությունները պահպանելով և առաջնահերթություններին հետամուտ լինելով:

internethaber.com, 02.06.2010

Leave a Reply

Your email address will not be published. Required fields are marked *