Հակոբ Պարոնյանը բեմադրվում է Բողազիչիի համալսարանում

Սիրելի ընթերցողներ, ինչպես հայտնի է ձեզնից ոմանց, ես երկար տարիներ է, ինչ հայկական դպրոցներում փոքրիկ աշխատանքներ եմ անում երեխաների հետ: Այդ աշխատանքները, ի վերջո, մեծ պտուղներ են տալու: Բողազիչիի համալսարանից ստացված հրավերով մեր երկու դպրոցների սաներից ստեղծեցինք մի խառը խմբակ և փառատոնին մասնակցում ենք Հակոբ Պարոնյանի հայերեն ներկայացումներից մեկով: (Թե’ ուսանող, թե’ հայերեն և թե’ երկու տարբեր դպրոցների սաներից կազմված խմբակ… Նման միջոցառում առաջին անգամ է կազմակերպվում):

Նույն երեկույթին (թուրքերենով) բեմ է դուրս գալու նաև Պողոս Չալգըջըօղլուն` Բողազիչիի խմբակով: Ընթացքում հետաքրքիր քննարկումներ են կազմակերպվելու Հակոբ Պարոնյանի մասին:

Ձեր մասնակցության հույսով` Ս. Արսլան:

Միջոցառման ամսաթիվը` 5-ը հունիսի, շաբաթ:

Միջոցառման վայրը` Բողազիչիի համալսարանի կենտրոնական այգում գտնվող Դեմիր Դեմիրգիլ սրահ:

Նշում. ես հպարտություն եմ զգում այն հանգամանքից, որ մեր սաները, որոնց հետ աշխատել ենք երկար ժամանակ, նման անկախ բեմ են դուրս գալու` այն էլ հայերեն ներկայացմամբ: Անցյալ տարի այստեղ ներկայացում է տվել հունական դպրոցը, այս տարի էլ` հրեական կազմակերպությունը: Արդեն իսկ վաղուց էր պետք, որ մենք ևս տեղ գտնեինք այդ ցուցակում. չե՞ք կարծում:  

Բացի այդ` բավականին հաճելի եղավ, որ երկու տարբեր բնագավառներից եկած խմբակները համատեղ աշխատանք կատարեցին: Վստահ եմ, որ Պողոս և Բողազիչի խմբակների խաղը դիտելիս շատ մեծ հաճույք եք ստանալու…

Խնդրում եմ, որ գաք այնտեղ` մեզ աջակցելու…

Ստորև ներկայացնում եմ ծրագրի մանրամասները.

2010 թ. հունիսի 5, շաբաթ` Հակոբ Պարոնյան (Օսմանյան մի ավանգարդիստ թատերագրի հիշատակին)

(Սույն միջոցառումը համատեղ կազմակերպում են Բողազիչի համալսարանի թատերական արվեստի միությունն ու ՙԱրաս՚ հրատարակչատունը):

Ժամը 13:00-ին հայերենով (թուրքերեն թարգմանությամբ) ելույթ կունենա ԱՄՆ-ի Միչիգան համալսարանում հայոց լեզվի ու գրականության պրոֆեսոր Գևորգ Բարդաքչյանը` «Հակոբ Պարոնյան. ժամանակաշրջանի ընտրյալ երգիծաբանը, արձակագիրն ու թատերագիրը» թեմայով:

14:30-ին Կենտրոնական լիցեյի և Թարգմանչաց տարրական դպրոցի սաները հայերենով հանդես կգան մի փոքրիկ ներկայացմամբ` «Մեծապատիվ մուրացկանները»:

17:00-ին` ասուլիս. «Պաղտասար ախպար» ներկայացման փորձը Տրապիզոնում: Կխոսի և հարցերին կպատասխանի Տրապիզոնի Գեղարվեստի թատրոնի գլխավոր բեմադրիչ Նեջաթի Զենգինը:

18:00-ին` ասուլիս` «Հակոբ Պարոնյանը որպես հրատարակիչ՚ թեմայով: Կխոսի և հարցերին կպատասխանի հայ պարբերական մամուլի մասին իր ուսումնասիրություններով հայտնի «Ակօս» շաբաթաթերթի լրագրող Զաքարյա Միլդանօղլուն:

19:30-ին` փոքրիկ ներկայացում` «Ատամնաբույժն արևելյան»: Կներկայացնի ՙԲերբերյան՚ ընկերության Բողազիչի համալսարանի թատերական խմբակը:

Վերոհիշյալ բոլոր միջոցառումները տեղի կունենան Բողազիչիի համալսարանի կենտրոնական այգում գտնվող Դեմիր Դեմիրգիլ սրահում:

Կազմակերպիչ` Սերդա Արսլան

 Աղբյուրը մասնավոր է` Ս. Արսլան

Ամսաթիվ` 01.06.2010

http://www.hyetert.com/haber3.asp?Id=35305&DilId=1

Leave a Reply

Your email address will not be published. Required fields are marked *