Վանեցիները պատրաստություն են տեսնում հայերի համար

Վանեցիները պատրաստվում են իրենց տներում հյուրընկալել սեպտեմբեր ամսին Աղթամարի եկեղեցում սպասվող առաջին պատարագին մասնակցել ցանկացող հայերին: Մի տեղական թերթի պատրաստած հարցաթերթիկներից ուղղորդվելով` մեկնարկ է տրվել «Մեր տան դռները բացում ենք Վան եկող հայերի առաջ» արշավին: Սույն նախաձեռնությանն աջակցում է նաև նահանգապետարանը:

Հայերի կողմից սուրբ համարվող Վանի Աղթամար կղզում գտնվող եկեղեցում տարիներ անց առաջին անգամ պատարագ է մատուցվելու այս տարվա սեպտեմբերի 19-ին: Այդ կարևոր ամսաթվի համար կատարվող նախապատրաստական աշխատանքները շարունակվում են ողջ արագությամբ: Սպասվում է, որ պատարագի օրը քաղաք կժամանեն առնվազն 5000 հայ այցելուներ: Մինչև պատարագ դեռ կա 4 ամիս, սակայն արդեն իսկ պատվիրված են քաղաքի հյուրանոցների և իջևանատների բոլոր համարները:

Վանում տպագրվող մի տեղական պարբերական գործի անցավ` հայ հյուրերին ընդունելու համար: Թուրքերեն, քրդերեն, ֆրանսերեն և անգլերեն լեզուներով հրատարակվող սույն թերթը մեկնարկ տվեց մի արշավի: «Մեր տան դռները բացում ենք Վան եկող հայերի առաջ» նախաձեռնությանն աջակցում են նաև նահանգապետարանը և քաղաքացիական-հասարակական կազմակերպությունները: Հասարակ ժողովուրդը ևս մեծ հետաքրքրություն է ցուցաբերում այս նախաձեռնության նկատմամբ: Թերթի խմբագրության հեռախոսները չեն լռում արշավի մեկնարկի մասին հայտարարությունից ի վեր:  

2 օրվա ընթացքում 300 ընտանիք է զանգահարել թերթի խմբագրություն և կամավորագրվել հյուր ընդունելու համար: Տվյալ պարբերականը պատարագի օրը` սեպտեմբերի 19-ին, հրապարակվելու է նաև հայերեն տարբերակով:

cnnturk.com, 27.05.2010

Leave a Reply

Your email address will not be published. Required fields are marked *