Ռասիզմ հրահրողների հեղինակած վերջին գործերը

Մուղլայի Մարմարիս գավառում երկու արհեստավորների միջև մրցակցության պատճառով տեղի ունեցած վիճաբանությունը վերածվել է ազգայնամոլական Լինչի դատաստանի, քանի որ կողմերից մեկը եղել է հայ: Էլիզաբեթ Մարիա Փըչաքչըն, որն իր ինքնության համար ծանր վիրավորանքների ու սադրանքների է ենթարկվել այն գավառում, որտեղ արդեն 10 տարուց ի վեր զբաղվում է արհեստով, նշելով, որ խնդիր է ունեցել իր անձի անվտանգության առումով, հարուցել է դատական գործ: Փըչաքչըն հայտնելով, որ իր նկատմամբ խտրականությունը դրանով էլ չի սահմանափակվել, ասաց, թե դժվարացել է անգամ փաստաբան գտնել:

Հրահրել են իր հաճախորդներին

Ըստ պնդումների` դեպքը զարգացել է հետևյալ սցենարով. Մարմարիսի ծածկած շուկայում արհեստով զբաղվող Թուրքիայի հայ բնակիչ Փըչաքչըին որոշ ժամանակ առաջ սկսել է անհանգստացնել դիմացի խանութի տերը: Վերջինս, ավելի առաջ գնալով, սկսել է խանգարել Փըչաքչըին` խանութ եկած այցելուներին ասելով. «Եկե’ք, այդտեղից առևտուր մի’ արեք. նա հայ է, իսկ ես ձեզ ավելի ցածր գներով ապրանք կտամ»: Ի վերջո, մայիսի 20-ին Փըչաքչըի խանութին  մոտեցած արհեստավորը, «անպատիվ հայ շներ» գոռալով, փորձել է Լինչի դատաստան տեսնել:

Անգամ փաստաբան չեմ կարողանում գտնել

Փըչաքչըն վիրավորանքների, հայհոյանքների և Լինչի դատաստանի ենթարկվելուց անմիջապես հետո դատական գործ է հարուցել Մարմարիսի հանրապետական դատախազությունում:

Փըչաքչըն հայտնեց, որ իր էթնիկ պատկանելության պատճառով ժամանակ առ ժամանակ հանդիպել է դժվարությունների, սակայն վերջին դեպքն արդեն ուղղակի բացահայտ հարձակում է: Դեպքի մասին դատական ատյաններին տեղեկացրած Փըչաքչըն նշեց, որ իր հանդեպ հոգեբանական ճնշում են գործադրում` արթնացնելով մարդկանց ազգայնական զգացմունքները: Փըչաքչըն հայտնելով, որ անհանգստանում է իր կյանքի անվտանգության համար, հավելեց. «Ես երկու երեխա ունեմ և տարիներ շարունակ այստեղ եմ բնակվել: Ես խնդիրներ ունեմ կյանքիս անվտանգության առումով: Խտրականության պատճառով նույնիսկ դատապաշտպան չեմ կարողանում գտնել: Ոչ մեկը այն փաստաբաններից, որոնց դիմում եմ, չի ցանկանում ստանձել իմ պաշտպանությունը: Ես աջակցություն եմ ակնկալում մարդու իրավունքներով զբաղվող կազմակերպություններից»:

Դիջլե լրատվական գործակալությունը հաղորդում է Բուրսայից

 

Թուրք չեղողը չի կարող այստեղ մուտք գործել

Թուրքիայի արևմտյան շրջաններում ժամանակ առ ժամանակ քրդերի դեմ Լինչի դատաստաններով արտահայտվող անհանդուրժողականությունը իր գագաթնակետին հասավ Բուրսայում: Չեքիրգե թաղամասում գտնվող մի հյուրանոցի պատին գրված այն նախադասությունը, թե «Թուրք չեղողը չի կարող այստեղ մուտք գործել», ստվեր գցեց անգամ Հիտլերի ֆաշիզմի վրա: Օսմանգազի գավառի Չեքիրգե թաղամասին ենթակա 10-րդ Օղուզ փողոցում գտնվող Չելիք Փալաս հյուրանոցի պատին, որի շինարարությունը դեռ ընթացքի մեջ է, խոշոր տառերով գրված է. «Թուրք չեղողը չի կարող այստեղ մուտք գործել»: Իսկ այն փողոցի ամենաուշագրավ առանձնահատկությունը, որի կառույցի պատին գրված է այդ ռասիստական գրությունը, այն է, որ տվյալ փողոցը գտնվում է Յավուզսելիմ, Էմեքքյոյ և Իսաբեյ թաղամասերի արանքում, որոնք բոլորն էլ հոծ կերպով բնակեցված են քրդերով: Սույն գրությամբ ակնհայտ է դառնում այն տարբերությունը, որ դրվում է քաղաքում բնակվող քրդերի և թուրքերի միջև: Իսկ այն հանգամանքը, որ մոտավորապես 10 մ բարձրություն ունեցող այդ պատին արված այս գրությունը, որի հեղինակներն անհայտ են, արդեն մոտավորապես մեկ ամիս է, ինչ չի ջնջվում, հետևյալ հարցն է առաջացնում. «Մի՞թե քաղաքի իշխանությունները ևս գոհ են այդ գրությունից»:

Դիջլե լրատվական գործակալությունը հաղորդում է Բուրսայից

evrensel.net, 26.05.2010

  2 comments for “Ռասիզմ հրահրողների հեղինակած վերջին գործերը

  1. 2010/05/27 at 17:40

    Շատ հետաքրքիր նյութեր եք տեղադրում, ուստի հարկ համարեցի ձեր հղումը տարածել հետեվյալ կայքերում, որտեղ նշված է akunq.net կայքի հղումը..
    Շնորհակալություն

    http://hayrenater.livejournal.com/39041.html

    http://hayrenik.do.am/news/2010-05-28-141

    http://twitter.com/Hayrenater

    http://hayrenater.blogspot.com/2010/05/blog-post_27.html

    http://neomanvel.wordpress.com/2010/05/27/%D5%BC%D5%A1%D5%BD%D5%AB%D5%A6%D5%B4-%D5%B0%D6%80%D5%A1%D5%B0%D6%80%D5%B8%D5%B2%D5%B6%D5%A5%D6%80%D5%AB-%D5%B0%D5%A5%D5%B2%D5%AB%D5%B6%D5%A1%D5%AF%D5%A1%D5%AE-%D5%BE%D5%A5%D6%80%D5%BB%D5%AB%D5%B6/

Leave a Reply

Your email address will not be published. Required fields are marked *