Թուրքերը հետաքրքիր ձեւով են իրենց բողոքը հայտնել հայ կանանց դեմ հարձակումների դեմ

CHP Samatya’da dans ettiԹուրքիայի Ժողովրդահանրապետական կուսակցության Ստամբուլի գրասենյակի նախաձեռնությամբ Ստամբուլի Սամաթյա թաղամասում տեղի է ունեցել բողոքի ակցիա ընդդեմ Սամաթյայում վերջին շրջանում հայ կանանց դեմ հարձակումների։

Թուրքական gercekgundem.com կայքի փոխանցմամբ՝ Թուրքիայի Ժողովրդահանրապետական կուսակցության անդամները հավաքվել են Սամաթյայի հայկական Սուրբ Գեւորգ եկեղեցու մոտ։ Նրանք, ի նշան կանանց դեմ բռնությունների եւ Սամաթյայում հայ կանանց դեմ հարձակումների, հետաքրքիր բողոքի ակցիա են իրականացրել՝ միասին պար բռնելով եկեղեցու դիմաց։

Բողոքի ակցիայի մասնակիցների մոտ եղել են «Մի’ լռիր, բողոքի’ր», «Վե’րջ կնոջ դեմ բռնությանը» եւ այլ գրություններով պաստառներ։

Ժողովրդահանրապետական կուսակցության Ստամբուլի գրասենյակի նախագահ Օղուզ Քաանը հիշեցրել է, որ վերջին 2 ամսում Սամաթյայում հայ կանանց դեմ հարձակումներ են եղել, որոնցից մեկն ավարտվել է մահվամբ։ «Ցանկանում ենք, որ վերջ տրվի էթնիկ ինքնության վրա կատարվող հարձակումներին։ Հուսով ենք, որ նման բան այլեւս չի լինի»,-ասել է Օղուզ Քաանը։

Նշենք, որ դեկտեմբերից սկսված Ստամբուլի` հայերով բնակեցված Սամաթյա թաղամասում 4 հարձակում է տեղի ունեցել տարեց հայ կանանց դեմ։ Բոլոր հարձակումներն ունեն նույն ձեռագիրը։ Հարձակումներից մեկի ժամանակ հանցագործը կամ հանցագործները դաժանորեն սպանել են Մարիցա Քյուչուքին։ Հարձակումներից երկուսում հանցագործի դաժան ծեծի հետեւանքով 2 տարեց հայ կանայք զրկվել են աչքերից մեկից։ Իսկ մի դեպքում էլ փորձ է արվել առեւանգել հայ կնոջը։

http://news.am/arm/news/140501.html

Leave a Reply

Your email address will not be published.