Երբեմնի ամենակարող թուրքական զինուժը թուլացած է և պառակտված. The Economist

թուրքական զինուժԹուրքական՝ երբեմնի ամենակարող զինված ուժերն այսօր վախեցած են, եթե ոչ՝ բավականին անկարող, գրում է բրիտանական The Economist-ը և բացատրում պատճառները, վեր հանում թուրքական բանակի ոչ այնքան հայտնի էջեր:

Պատկերացրեք մի երկիր, որը ՆԱՏՕ-ում երկրորդ ամենամեծ բանակն ունի, որի հարևաններն են Իրաքը, Իրանն ու Սիրիան, և որը հարուստ է Էգեյան, Սև ու Միջերկրական ծովերով, սակայն չունի մեկը, ով կղեկավարի իր ռազմածովային ուժերը. գրում է աղբյուրը: Հենց այսպիսի վիճակ է Թուրքիայում, որտեղ այս շաբաթ ծովակալ Նուսրեթ Գյուները հրաժարական է տվել: Նա թուրքական նավատորմի երկրորդ ամենակարևոր մարդն էր, և սպասվում էր, որ կդառնա ամենագլխավոր մարդն այս օգոստոսին: Այլ ձեռնհաս թեկնածուներ չկան նաև այն պատճառով, որ Թուրքիայի ադմիրալների կեսը բանտերում է` հարյուրավոր գեներալների և այլ սպաների հետ, արձանագրում է The Economist-ը: Ի դեպ` բոլորը մեղադրվում են Թուրքիայի իշխող Արդարություն և զարգացում կուսակցության դեմ դավերի համար:

Իսկ Գյուների հրաժարականը կապված է սեքս-սկանդալի հետ. միանգամից 75 ռազմածովային սպա է անցնում «գաղտնիքներ սեքսի դիմաց» անվանումը ստացած ցանցի գործով. նրանք լրտեսական խցիկ էին զետեղել ծովակալի անչափահաս աղջկա ննջասենյակում:

Նշվում է նաև, որ թուրքական զինված ուժերը թուլացած ու պառակտված են Էրգենեքոն անվանումով հայտնի գործերի շարքի բերումով. ճաղերի հետևում է Թուրքիայի ԶՈՒ գլխավոր շտաբի նախկին պետ Բաշբուղը:

Սա կարելի էր թուրքական ժողովրդավարության հաղթանակ անվանել, եթե տարբեր գործերով ապացույցները սարքովի չլինեին, արձանագրում է աղբյուրը:

The Economist-ը գրում է, որ Սիրիայի հակամարտության՝ Թուրքիայում տարածվելու վտանգի և չնայած բանակցություններին` քրդերի հետ շարունակվող բախումների պայմաններում Թուրքիայի վարչապետ Էրդողանը պետք է մտահոգ լինի նշված հանգամանքներով: Թուրք պաշտոնյան՝ Էրդողանը, սակայն, Փենսիլվանիայի Լեհիի համալսարանի միջազգանայգետ պրոֆեսոր Հենրի Բերքլիի կարծիքով, «բանակը համարում է իր տղերքը»:

Անդրադարձը եզրափակվում է հիշեցումով, որ 1960-ից ի վեր թուրքական բանակը 4 կառավարություն է տապալել: Ամենաարյունալին 1980-ին էր, երբ 50 մարդ մահապատժի ենթարկվեց, 500 000-ը ձերբակալվեց: Սակայն վերջին հարցումներով Թուրքիայում առաջին անգամ նախագահն ավելի մեծ ժողովրդավարություն վայելող է ճանաչվել, քան թուրքական բանակը, որը համարվում էր Աթաթուրքի աշխարհիկ ժառանգության պահապան:

http://tert.am/am/news/2013/02/01/turk-army-economist/

Leave a Reply

Your email address will not be published. Required fields are marked *