Վան քաղաքի ուղեցույց հայերենով

Վանի քաղաքապետարանին կից Մշակույթի և սոցիալական գործերի տնօրինությունը հայերեն հրատարակել է Վանի զբոսաշրջության համար ուղեցույց, որը մինչ այդ տպագրվել էր նաև թուրքերեն, քրդերեն և անգլերեն (պարսկերեն տարբերակը պատրաստման փուլում է): 90 էջից բաղկացած սույն գիրքը առաջին փուլում տպագրվել է 2500 տպաքանակով:

Ուղեցույցը, որը համապարփակ տեղեկություններ է հաղորդում Վանի մասին, բովանդակում է քաղաքի պատմական, տուրիստական, մշակութային, սոցիալական, տնտեսական և այլ բնագավառների մասին բոլոր մանրամասները:

Այս ուղեցույցները, որ Վանի քաղաքապետարանը տարել էր նաև Հայաստան, հավանության արժանացավ: Վանի քաղաքապետարանին կից մշակույթի և սոցիալական գործերի տնօրեն Հյուսամեթթին Օզթյուրքը նշեց հետևյալը. «Սույն գրքույկները կարևոր նպաստ են բերելու Վանի քաղաքապետարանին: Նմանատիպ աշխատանքներ են սպասվում նաև առաջիկայում: Ցուցատախտակներ են պատրաստվելու ավտոկանգառի, օդանավակայանի և քաղաքի 14 առանձին կետերի մասին»:

Մուրադ Չաղլար,hurriyet.com.tr 25.05.2010

Leave a Reply

Your email address will not be published. Required fields are marked *