Օտարալեզու ազգանունների պահանջը Գերագույն դատարանում

Միդյաթի դատարանը դիմեց Թուրքիայի Սահմանադրական դատարան, որպեսզի հնարավորություն ընձեռնվի օտար ժողովուրդների և ազգերի անունները ևս օգտագործել որպես ազգանուններ:

Եթե Գերագույն դատարանից հաստատում ստացվի, կվերացվի այնպիսի լեզունների վրա եղած ագզանվան արգելքը, ինչպիսիք են քրդերենը, ասորերենը, հայերենը և արաբերենը:

Մարդին նահանգի Միդյաթ գավառի բնակիչ, Թուրքիայի ասորի քաղաքացի Ֆ. Ա-ն ցանկացել է իր ազգանունը փոխել «Բարթումա»-ի, որն ասորերենով նշանակում է «Թումայի ընտանիք»: Սակայն նրա հարցումը մերժվեց Բնակչության տնօրինության կողմից, որից հետո Ֆ. Ա-ն դիմեց Միդյաթի դատարան: Վերջինս, առաջ քաշելով այն տեսակետը, ըստ որի` ասորական ազգանվանն արգելք եղող Ազգանունների մասին օրենքը հակասում է Սահմանադրության մեջ ամրագրված հավասարության սկզբունքին, դիմեց Սահմանադրական դատարան, որպեսզի վերոհիշյալ օրենքը չեղյալ հայտարարվի:

Նախկինում ևս Անկարայի բնակիչ Հ. Ա-ն դատական գործ էր հարուցել Անկարայի դատարանում, որպեսզի կարողանա ստանալ Փադմափանի Փարամաբինդու անունը, քանի որ ընդունել էր բուդդայականություն: Քանի որ դատարանը մերժել էր այդ դիմումը, Վճռաբեկ դատարանը նույնպես թույլ չէր տվել Փարամաբինդուին` հիմնվելով Ազգանունների մասին օրենքի վրա:

Եթե Սահմանադրական դատարանը մայիսի 20-ին նախատեսվող նիստում չեղյալ հայտարարի վերոհիշյալ կարգավորումը, թե’ ասորական Բարթումա և թե’ հնդկական Փարամաբինդու ազգանունները կստանան գործածվելու իրավունք:

stargazete.com, 18.05.2010

Leave a Reply

Your email address will not be published. Required fields are marked *