ԱՂԹԱՄԱՐԻ ԵԿԵՂԵՑԻԻՆ ԽԱՉԸ ՊԻՏԻ ԴՐՈՒԻ

Իզմիրի «Աթլաս» թերթի հետ կատարուած զրոյցի մը ընթացքին Մշակոյթի Նախարար Էրթուղրուլ Կիւնայ ըսաւ, որ Պատմական Յուշարձանները Պահպանելու Խորհուրդը որոշեց խաչ զետեղել Աղթամարի եկեղեցիին վրայ: Ինչպէս յայտնի է, 2007 թուականին Աղթամար եկեղեցին, որ ներկայիս կը գտնուի Մշակոյթի Նախարարութեան սեփականատիրութեան ներքեւ, վերանորոգուած էր, բայց Խորհուրդը մերժած էր եկեղեցիին վրայ զետեղել Խաչը եւ դնել զանգակ: Թուրքիոյ Հայոց Պատրիարքարանին դիմումին ընդառաջելով՝ Խորհուրդը այս անգամ որոշեց, որ 12 Սեպտեմբերի համար նախատեսուած արարողութեան ընթացքին տեղադրուի նաեւ Մեսրոպ Պատրիարքին կողմէ նուիրուած խաչը: Այս որոշումը շատ թարմ է, նոյնիսկ իրմէ ուզուած էր ժամ առաջ հրապարակել այդ լուրը, բայց Վարչապետին հետ Յունաստան գացած ըլլալուն համար ուշացաւ:

Մարմարա, 17.05.2010

Leave a Reply

Your email address will not be published. Required fields are marked *