Ֆրանսիական հեղինակավոր France 2 հեռուստաընկերությամբ նոյեմբերի 1-ին Chrétiens Orienteaux (Արևելյան քրիստոնյաներ) հաղորդաշարում եթեր է հեռարձակել հայկական խաչքարի, արվեստի և ավանդույթի մասին այս տարի նկարահանված կեսժամանոց ֆիլմ: Ֆիլմը կոչվում է «Հայկական խաչքարեր. հայ ժողովրդի հոգին և հոգևորությունը»:

«Արմենպրես»-ի հաղորդմամբ` ֆիլմում արտացոլված են հայ ժողովրդի խաչքարագործության հին և հարուստ արվեստի ավանդույթները, խաչքարերի էությունը և դրանց նշանակությունը հայ քրիստոնյայի համար: Նկարահանմանն իրենց մասնագիտական բացատրություններով աջակցել են նաեւ ֆրանսիացի հեղինակավոր գիտնականներ, պատմաբաններ ու արվեստագետներ: Ֆիլմում նաև դրվագներ կան խաչքարի պահպանմանն ուղղված կոչով` Նախիջևանում Բաքվի կողմից հայկական խաչքարերի և գերեզմանոցների ավերման և ոչնչացման վերաբերյալ: Ֆիլմը հնարավոր կլինի դիտել France 2 հեռուստաընկերության ինտերնետային կայքում:

France 2 հեռուստանըկերության կողմից 2012թ. ամռանը Հայաստանում նկարահանված ֆիլմերից դեկտեմբերի 30-ին` Փարիզի ժամանակով 9.30-ին, կցուցադրվի մեկ այլ ֆիլմ` «Հայ եկեղեցու արմատները և պատմությունը սկզբնական դարերում» վերնագրով: Ֆիլմերը ծրագրվել են Թոմա Վալյուի և Միշել Կաղիեի կողմից:

http://armenpress.am/arm/news/698199/fransiakan-france-2-herustatesutyamb-nakhijevanum-haykakan.html