Թուրքիայի խորհրդարանը հաստատել է «13 մեծ քաղաքների» նախագծի առաջին հոդվածը

Թուրքական TRT Haber հեռուստաալիքի փոխանցմամբ՝ Թուրքիայի խորհրդարանի ներքին գործերի հանձնաժողովը 9-ժամյա քննարկումներից հետո ընդունել է 13 մեծ քաղաքների ու դրանց ղեկավարման գործում ուղղումներ կատարելու նախագծի առաջին հոդվածը:

Ըստ այդ հոդվածի՝ Այդըն, Բալըքեսիր, Դենիզլի, Հաթայ, Մալաթիա, Մանիսա, Քահրամանմարաշ, Մարդին, Մուղլա, Թեքիրդաղ, Տրապիզոն, Շանլըուրֆա և Վան քաղաքները ստանում են մեծ քաղաքի կարգավիճակ: Միևնույն ժամանակ Ադանա, Անկարա, Անթալիա, Բուրսա, Դիարբեքիր, Էսքիշեհիր, Էրզրում, Գազիանթեփ, Իզմիր, Քայսերի, Քոնիա, Մերսին, Սաքարիա և Սամսուն մեծ քաղաքների սահմանները հավասարեցվում են տվյալ մարզի վարչական սահմաններին:

Դա նշանակում է, որ այդ քաղաքներին հարակից գյուղերը կառավարման հարցում վերածվելու են քաղաքի թաղամասերի: Այսօր կշարունակվի այս նախագծի երկրորդ հոդվածի քննարկումը:

Հիշեցնենք, որ Թուրքիայի վարչապետ Ռեջեփ Էրդողանը մեծապես կարևորում է այս նախագիծը և տեղական ինքնակառավարման մարմինների (ՏԻՄ) ընտրությունների վաղաժամ անցկացումը: Քանի որ Էրդողանի համակիրների մեծ մասն արդեն իսկ 3 անգամ անընդմեջ դարձել են պատգամավորներ և այլևս չեն կարող առաջադրել այդ պաշտոնում իրենց թեկնածությունը, նրանք պայքար են մղելու մեծ քաղաքների քաղաքապետեր դառնալու համար: Վերոնշյալ նախագիծն էլ ծառայելու է նրանց լիազորությունների ընդլայնմանը:

http://www.1in.am/arm/regional_turkey_122830.html

Leave a Reply

Your email address will not be published. Required fields are marked *